ఇక కర్నాటకలో ఈ రాత్రి నుంచి జనవరి 2 వరకు  నైట్ కర్ఫ్యూ విధించారు.  ఇప్పటికే మహారాష్ట్రలో రాత్రిపూట కర్ఫ్యూ కొనసాగుతోంది. ఇక తెలంగాణ వైద్య శాఖ అధికారులు కూడా విదేశాల నుంచి తెలంగాణకు వచ్చేవారిపై దృష్టిపెట్టారు. బ్రిటన్, బెల్జియం, యూకే, ఇటలీ, జర్మనీ, నెదర్లాండ్స్ నుంచి వచ్చిన వాళ్లతో పాటు ఈస్ట్ యూరోపియన్ దేశాల నుంచి వచ్చిన వారిని ట్రేస్‌ చేసే పనిలో పడ్డారు. నవంబర్ 25 నుంచి డిసెంబర్ 9 వరకు వచ్చిన వాళ్ళను ఒక గ్రూప్‌గా చేశారు. 

వాళ్లంతా సెల్ఫ్‌హోమ్ క్వారంటీనేలో ఉంటారని అధికారులు తెలిపారు. డిసెంబర్ 9 నుంచి ఇవాళ్టి వరకు వచ్చిన వాళ్లందరికీ ముందుగా ఆర్టీపీసీఆర్ టెస్టులు నిర్వహస్తున్నారు. పాజిటివ్ వచ్చిన వాళ్లను గచ్చిబౌలి టిమ్స్‌కు వాళ్ళ కుటుంబాలను నేచర్ క్యూర్‌ హాస్పిటల్ కు పంపాలని అధికారులు నిర్ణయించారు. టెస్టులు చేయించుకుని వచ్చామన్నా సరే ప్రతి ఒక్కరి శ్యాంపిల్స్ సేకరించాల్సిందేనని అధికారులకు ఆదేశాలు జారీ అయ్యాయి. ఈ రోజు శ్యాంపిల్స్ సేకరణ పూర్తి చేయాలని జిల్లా వైద్య అధికారులకు సూచించింది.