పూర్తి వివరాల్లోకి వెళితే, మలేషియా రాజధాని కౌలాలంపూర్ లో అక్కడి మాజీ మంత్రి టెంగ్కూ అద్నాన్ కుమారుడి పెళ్ళికి ఏకంగా పది వేల మంది హాజరయ్యారు.అయితే మంత్రి కొడుకు కదా..! ప్రభుత్వం విధించిన నిబంధనను పాటించరా..! ఇది కేవలం సామాన్య ప్రజలకేనా..!అనే సందేహం మనలో ప్రతి ఒక్కరికీ కలుగుతుంది.

కానీ మంత్రి గారు తన తనయుడు పెళ్ళికి ప్రభుత్వం విధించిన అన్ని నిబంధనలను పాటిస్తూ,కరోనా వైరస్ కు సంబంధించిన అన్ని జాగ్రత్తలు తీసుకుంటూనే ఈ పెళ్లి వేడుకలు ఘనంగా జరిపించారు.అయితే వచ్చిన బంధువులంతా తమ తమ కార్లలోనే కూర్చుని నూతన వధూవరులను ఆశీర్వదించారు.

భోజనాల విషయానికొస్తే కార్ల వద్దకే పార్సెల్ ను  అందించినట్లు సమాచారం.అయితే మాజీ మంత్రి టెంగ్కూ అద్నాన్ మాట్లాడుతూ.."కరోనా సమయంలో కూడా నా కుమారుడి పెళ్ళికి ఇంత మంది హాజరు కావడం నాకు చాలా సంతోషంగా ఉంది.కరోనావైరస్ వ్యాప్తి చెందకుండా అన్ని జాగ్రత్తలు తీసుకుంటున్నాము.  వచ్చిన బంధుమిత్రులందరికీ ఎలాంటి అసౌకర్యం కలగకుండా అన్ని జాగ్రత్తలు తీసుకున్నామంటూ" ఆయన చెప్పుకొచ్చారు.ఇదిలా ఉండగా ఈ పెళ్లి కి సంబంధించిన ఫోటోలను సోషల్ మీడియాలో షేర్ చేయగా అవి వైరల్ గా మారాయి.