ఈ మధ్య కీర్తి సురేష్ బరువు తగ్గింది. అయితే సన్నటి కీర్తి సురేష్ లుక్ ఫాన్స్ ను పెద్దగా ఇంప్రెస్ చేయలేదని తెలుస్తోంది. 'మిస్ ఇండియా', 'పెంగ్విన్' సినిమాలలోని తన సన్నటి లుక్స్ కు కీర్తి సురేష్ తన అభిమానుల నుంచి నెగటివ్ ఫీడ్ బ్యాక్ అందుకున్నట్టు సమాచారం. ఈ నెగటివ్ ఫీడ్ బ్యాక్ వలన 'సర్కారు వారి పాట' నుంచి కీర్తిని తొలగించడానికి సైతం చిత్ర బృందం ఆలోచించిందని వినికిడి. 

దాంతో కీర్తి ప్రస్తుతం బరువు పెరిగే పనిలో పడిందట. ఇటీవలి పిక్చర్లలో కీర్తి పెద్దగా సన్నగా కనిపించడం లేదు. తనని అందరూ ఎలా ఇష్టపడ్డారో మళ్ళీ ఆ లుక్ ని సంపాదించడం కోసం కీర్తి సురేష్ ప్రయత్నిస్తుందని తెలుస్తోంది. 'సర్కారు వారి పాట' సినిమాలో మళ్ళీ బొద్దుగా ఉండే కీర్తినే చూడవచ్చని ప్రేక్షకులు అంటున్నారు.

కీర్తి సురేష్ ఎంత మంచి నటో అందరికీ తెలిసిందే. అభిమానులు ఇష్టపడేటట్టు లుక్ ని మైంటైన్ చేయడం వలన అభిమానులకు కీర్తి సురేష్ ఇంకా దగ్గర అయ్యే అవకాశాలు ఉంటాయని ఫిల్మ్ క్రిటిక్స్ అంటున్నారు. ఇలా చేయడం వలన కీర్తి సురేష్ తోటి హీరోయిన్లకు గట్టి పోటీ ఇవ్వగలుగుతుందని అంటున్నారు వారు. 

అంతేకాకుండా పెద్ద పెద్ద హీరోల ప్రాజెక్టుల్లో హీరోయిన్ పాత్రలకు కీర్తీ పేరునే మొదట పరిశీలించే అవకాశాలు కూడా ఎక్కువే ఉంటాయని వారు అభిప్రాయపడుతున్నారు. సో, 'సర్కారు వారి పాట' సినిమాలో కీర్తిసురేష్ లుక్స్ ఎలా ఉంటాయో చూద్దాం. మరి ఈ సినిమాతోనైనా కీర్తి మళ్ళీ ప్రేక్షకులకు చేరువవుతుందా అన్నది చూడాలి.