ప్రస్తుత పరిణామాల్లో జనసేన, టిడిపి, వైసీపీ, బీజేపీ ఇలా అన్ని పార్టీలు ఈ ఎన్నికలకు సిద్ధమవుతున్నాయి. టిడిపి కాస్త ఎక్కువగా ఈ ఎన్నికలపై ఆశలు పెట్టుకుని పార్టీ శ్రేణులు సిద్ధంగా ఉండాలి అంటూ హడావుడి చేస్తున్నాయి. చంద్రబాబు ఇప్పటికే ఈ ఎన్నికలను ఎదుర్కోవడానికి అన్నివిధాలుగా పార్టీ శ్రేణులను సిద్ధం చేస్తూ వస్తున్నారు. ఇక వైసీపీ ఎప్పుడు ఎన్నికలు వచ్చినా తమకు ఎటువంటి ఇబ్బంది లేదు అని, తాము ప్రవేశపెట్టిన సంక్షేమ పథకాలే తమను గెలిపిస్తాయి అనే ధీమాతో ఉన్నారు. ఇక జనసేన, బిజెపి సైతం తాము సిద్ధంగానే ఉన్నామని , గతంతో పోలిస్తే తమ పార్టీలకు ఆదరణ పెరిగిందని టిడిపి, వైసిపి లు చెప్పుకుంటూ ఎన్నికలకు సిద్ధం అవుతున్నాయి. 

ముఖ్యంగా టిడిపి, వైసిపి మాత్రం సీరియస్ గానే ఈ ఎన్నికలను తీసుకుంటున్నాయి. కేంద్రం జమిలి ఎన్నికలకు వెళ్ళినా, వెళ్లకపోయినా ముందస్తుగానే పార్టీ శ్రేణులను సిద్ధం చేసుకునే పనిలో పడ్డాయి. చంద్రబాబు అయితే మొదటి నుంచి జమిలీ ఎన్నికలు వస్తాయని చెబుతున్నానని, ఇప్పుడు కేంద్రంలో ఆ సంకేతాలు వచ్చాయని, తన అంచనా అని నిజమైందని , అలాగే గెలుపు కూడా తమ పార్టీకే దక్కుతుందనే ధీమాతో ఉన్నారు. ఏది ఏమైనా అన్ని పార్టీలు 2022 ను టార్గెట్ చేసుకునే ముందుకు వెళ్తున్నట్టు గా కనిపిస్తున్నాయి.