అయితే వీరికి భిన్నంగా థియేటర్ల విద్యుత్ బిల్లులు రద్దు చేయడం వలన నిర్మాతలకు పెద్ద ప్రయోజనం లేదని సి కళ్యాణ్ చేసిన కామెంట్స్ ఇప్పుడు సంచలనంగా మారింది. కరోనా నేపథ్యంలో 3 నెలలపాటు థియేటర్లు చెల్లించాల్సిన ఫిక్స్‌డ్‌ ఎలక్ట్రిసిటీ ఛార్జీలు రద్దు చేయాలని ఏపీ కేబినెట్ నిర్ణయించింది. ఇందుకు గాను ఆ థియేటర్ల ఖర్చు మొత్తాన్ని రూ.3 కోట్ల రూపాయల చొప్పున ప్రభుత్వం భరించనుంది.  తెలంగాణ ప్రభుత్వం చిన్న సినిమాలను ఆదుకునేందుకు ప్రత్యేక  చర్యలు చేపట్టిందని.. ఏపీ ప్రభుత్వం కూడా అలాంటి  స్పష్టమైన నిర్ణయాన్ని ప్రకటించాలని సి.కల్యాణ్‌ డిమాండ్ చేశారు.

 సినీ పరిశ్రమలో ఒక విభాగానికి సంబంధించి రాయితీలు ప్రకటించడం సరైంది కాదని ఆయన అభిప్రాయపడ్డారు. నిర్మాతల విజ్ఞప్తులను కూడా ముఖ్యమంత్రి జగన్ పరిశీలనలోకి తీసుకోవాలని కళ్యాణ్ కోరారు. ఇటీవల జరిగిన మంత్రివర్గ సమావేశంలో థియేటర్ల విద్యుత్ బిల్లులు రద్దు చేయడం విషయంలో నిర్మాతలకు ప్రయోజనమేమీ లేదని సీ కళ్యాణ్ పేర్కోన్నారు. తెలంగాణ ప్రభుత్వం తరహాలో చిన్న సినిమాల విషయంలో ఏపీ ప్రభుత్వం స్పష్టమైన నిర్ణయాన్ని ప్రకటించాలని సి కల్యాణ్‌ డిమాండ్ చేశారు. త్వరలోనే ఇరు రాష్ట్రాల ముఖ్యమంత్రుల కోసం ప్రత్యేక కార్యక్రమాన్ని ఏర్పాటు చేయనున్నట్లు సి.కల్యాణ్‌ తెలిపారు.