హైదరాబాద్‌లోని లోయర్ ట్యాంక్ బండ్‌లో ఉన్న గోశాల వద్ద ఒక ఆవు, లేగదూడను కట్టి ఉంచారు. అయితే, ఆ లేగదూడ తల్లిపాలు తాగకుండా మూతికి బుట్ట కట్టారు. ఇది చూసిన ఒక జంతు ప్రేమికుడు వీడియో తీసి ట్విట్టర్‌లో పెట్టారు. ‘అత్యంత క్రూరత్వం’ అని ఇంగ్లిష్‌లో క్యాప్షన్ కూడా పెట్టారు. ఈ ట్వీట్‌లో కేటీఆర్, తెలంగాణ సీఎంఓ, మేనకా గాంధీని ట్యాగ్ చేశారు. ఈ ట్వీట్‌ను రీట్వీట్ చేసిన మరో యూజర్ రేష్మిని ట్యాగ్ చేశారు. ఈ ఘటనపై చర్యలు తీసుకోవాలని తెలంగాణ డీజీపీని ట్యాగ్ చేశారు. ఈ ట్వీట్‌కు రేష్మి స్పందించారు. ‘‘తల్లిపాలు తాగడానికి ఎవరు ఎక్కువ అర్హులు??? మనమా లేకపోతే దూడనా.. మీరు ఏది ఎంపిక చేసుకున్నా కచ్చితంగా అది మీ మనస్సాక్షి భారం కాకుండా చూసుకోండి’’ అని పేర్కొన్నారు.