పోలీసులపై తప్పుడు కేసులు పెట్టాలని, బ్లాక్ మెయిల్ చేసి వాళ్ళని లొంగదీసుకుని కాళ్ళబేరానికి తీసుకొచ్చుకోవాలన్న సలహా ఆచరణ సాధ్యం అయ్యేది కాదన్న విషయం చంద్రబాబుకు తప్ప మిగిలినందరికీ తెలిసిందే. ఎందుకంటే ఎవరు ఎవరిపైన అయినా కేసులు పెట్టాలంటే పోలీసు స్టేషన్ కు వెళ్ళాల్సిందే. అలాంటిది పోలీసులపైన ఎదరు కేసు ఎవరు పెట్టాలి ? పోలీసులు ఎందుకు నమోదుచేస్తారు ? ఇంతచిన్న విషయం కూడా చంద్రబాబు ఎలా మరచిపోయారో . పోనీ కోర్టుల్లో పోలీసులపై ప్రైవేటు కేసులు వేయాలంటే అదుకు సాక్ష్యాలు కావాలి కదా. సాక్ష్యాలు లేకుండా కేసులు వేస్తే నిలుస్తాయా ? ఒకవేళ కోర్టుల్లో పోలీసులకు వ్యతిరేకంగా కేసులు వేసినా తర్వాత ఆ నేతల పరిస్ధితి ఏమిటి ? వాళ్ళను పోలీసులు ఊరికే వదులుతారా ? ఇంగిత జ్ఞానం ఉన్నవాళ్ళు ఎవరు కూడా ఇలాంటి పనికిమాలిన సలహాలు ఇవ్వరు. పోలీసులదేముంది అధికారంలో ఎవరుంటే వాళ్ళకు అనుకూలంగా వ్యవహరిస్తారు ? అయినా అప్పట్లో చంద్రబాబు నేర్పిన విద్యనే ఇపుడు వైసీపీ ఫాలోఅయిపోతోందంతే. ఇంతోటిదానికి చంద్రబాబు చింతించాల్సిన పనిలేదు.