నిన్ననే అమరావతి ఉద్యమం మొదలుపెట్టి ఏడాదైనా సందర్భంగా రణభేరి పేరుతో భారీ బహిరంగ సభను ఏర్పాటు చేసి వైసీపీ ప్రభుత్వం పై విమర్శలు చంద్రబాబు గుప్పించారు. ఇది ఇలా ఉండగా, ఇప్పుడు అమరావతి వ్యవహారంపై వైసిపి అదే స్థాయిలో కౌంటర్ మొదలుపెట్టింది. దీనిలో భాగంగానే విశాఖ వైసీపీ ఎమ్మెల్యే గుడివాడ అమర్నాథ్ అమరావతి వ్యవహారంపై సంచలన వ్యాఖ్యలు చేశారు.



 అమరావతి విశాఖ మాదిరిగా కాదని, అమరావతి రాజధాని కావాలంటే, టిడిపి ఎమ్మెల్యేలు రాజీనామా చేసి, ఎన్నికలకు వెళ్లి ప్రజాభిప్రాయం ఏంటో తెలుసుకోవాలని సూచించారు. అమరావతి ఉద్యమంలో మేకప్, లిఫ్టిక్ మాత్రమే కనిపిస్తున్నాయని, బడుగు బలహీన వర్గాలు మాత్రం కనిపించడం లేదని వ్యాఖ్యానించారు. వైసీపీ, బీజేపీ మధ్య అనుబంధం ఏ విషయంలోనూ ఎటువంటి సందర్భంలోనూ లేదని చెప్పకొచ్చారు. రాష్ట్రం అభివృద్ధి చెందకుండా చంద్రబాబు అడ్డుకుంటున్నారని ఎమ్మెల్యే అమర్నాధ్ మండిపడ్డారు. ఆయన జాతీయ నాయకుడు కాదని, జాతి నాయకుడు అంటూ గుడివాడ సంచలన విమర్శలు చేశారు.