వరద బాధితులకు సాయంపై బీజేపీ కార్పోరేటర్లు ఉద్యమానికి దిగబోతున్నారన్న ఆయన మా కార్పోరేటర్లు పార్టీ ఫిరాయించమని అమ్మవారి సాక్షిగా ప్రమాణం చేశారని అన్నారు. ఇక పొర్లు దండాలు పెట్టినా.. కేసీఆర్ జైలుకు  పోవటం‌ ఖాయమన్న సంజయ్ కాళీమాత దేవాలయం భూములపై ఎండోమెంట్ అధికారులు స్పందించారని దేవస్థానాల‌ భూముల జోలికొస్తే ఎంతకైనా తెగిస్తామని అన్నారు. పాతబస్తీ బీజేపీ అడ్డా... పాతబస్తీని అభివృద్ధి చేసి చూపుతామని ఆయన అన్నారు. సీఎం మార్ఖత్వం, చేతకాని తనం వలన గెలిచిన కార్పోరేటర్లు ప్రజలకు సేవ చేయలేకపోతున్నారని ఎంఐఎం, టీఆర్ఎస్ లు హైద్రాబాద్ ను విధ్వంసం చేస్తున్నాయని అన్నారు. 

టీఆర్ఎస్, ఎంఐఎం విముక్త్ హైదరాబాద్ ను ఏర్పాటు చేస్తామన్న సంజయ్ ఎల్ఆర్ఎస్ ను ప్రభుత్వం వెనక్కి తీసుకోవాలని డిమాండ్ చేశారు.  భాగ్యలక్ష్మీ దేవాలయం వలనే  భాగ్యనగరం అనే పేరొచ్చిందని అన్నారు. మెట్రో కావాలా? వద్దా? పాతబస్తీ  ప్రజలు తేల్చుకోవాలని అన్నారు.  శుక్రవారం రోజున భాగ్యలక్ష్మీ అమ్మవారిని దర్శించుకోవటం సంతోషంగా ఉందని అమ్మవారి దయతో జీహెచ్ఎంసీ ఎన్నికల్లో విజయం సాధించామని అన్నారు. హిందువులను అవమానిస్తే ఊరుకోమన్న ఆయన అమ్మవారినే నమ్ముకుని ముందుకు వెళ్తామని అన్నారు.