శ్రద్ధా శ్రీనాథ్.. జెర్సీ సినిమాతో టాలీవుడ్ లో అడుగుపెట్టిన బ్యూటీ. ఫస్ట్ సినిమాతోనే సూపర్ హిట్ అందుకుని మంచి గుర్తింపు తెచ్చుకుంది. గ్లామర్ పాత్రతో పాటు.. ఓ పిల్లాడికి తల్లిగా మెచ్యూరిటీ కలిగిన నటనతో  మంచి మార్కులు కొట్టేసింది. ఆ తర్వాత ఆది సాయికుమార్‌తో  కలిసి జోడి సినిమా చేస్తే... రిజల్ట్ రివర్స్ అయ్యింది. అందుకే కాస్త గ్యాప్ ఇచ్చిన శ్రద్ధా ఈ ఇయర్ సిద్ధు జొన్నలగడ్డ తో కలిసి కృష్ణ అండ్ హిజ్ లీల సినిమాలో నటించింది. ఈ మూవీ మంచి టాక్‌ తెచ్చుకోవడంతో శ్రద్ధా శ్రీనాథ్ కి వరుస ఆఫర్స్ క్యూ కడతాయనే మాట వినిపించింది. కట్ చేస్తే.. తమిళ, మలయాళ భాషల్లో వరుస ఆఫర్స్ తో దూసుకుపోతున్నా.. శ్రద్ధా శ్రీనాధ్ కి టాలీవుడ్ లో మాత్రం చెప్పుకోదగ్గ అవకాశాలు రావడం లేదు. తన వైపు కన్నెత్తి చూసే హీరోనే కనిపించడం లేదు. 

శ్రద్ధా ప్రస్తుతం తమిళంలో మారా, చక్ర, కలియుగం వంటి మూడు చిత్రాల్లో నటిస్తోంది. అలాగే కన్నడలో గోద్రా, రుద్రప్రయాగ అనే రెండు సినిమాలకు సైన్ చేసింది. వీటితోపాటు ఆరట్టు అనే మలయాళ మూవీలో కూడా శ్రద్ధా బెర్త్ కన్ఫమ్ చేసుకుంది. ఇలా 3 చోట్లా వరుస సినిమాలతో బిజీగా ఉన్న శ్రద్ధాకి టాలీవుడ్ నుంచి పెద్ద ఆఫర్ మాత్రం లేదు. కథ డిమాండ్ చేస్తే గ్లామర్ పండించడానికి సై అంటున్నా.. ఎందుకో దర్శకనిర్మాతలు ఈ లేడీ వైపు చూడటం లేదు. టాలీవుడ్ లో ఆఫర్లు కోసం ఎదురు చూస్తోంది.