അബുദാബി: യുഎഇയില്‍ ഇന്ന് 1284 പേര്‍ക്ക് കൂടി കൊറോണ വൈറസ് ബാധ സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിക്കുകയുണ്ടായി. കോവിഡ് ചികിത്സയിലായിരുന്ന 765 പേര്‍ രോഗമുക്തരായിരിക്കുന്നു. കഴിഞ്ഞ 24 മണിക്കൂറിനിടെ ഒരു കൊറോണ വൈറസ് മരണമാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത്.
1,44,602 കൊറോണ വൈറസ് പരിശോധനകള്‍ കൂടി 24 മണിക്കൂറിനിടെ രാജ്യത്ത് നടത്തിയതായി ഔദ്യോഗിക കണക്കുകള്‍ പറയുന്നു. ഇതുവരെ യുഎഇയില്‍ 1,91,150 പേര്‍ക്ക് കൊവിഡ് സ്ഥിരീകരിക്കപ്പെട്ടിട്ടുണ്ട്. ഇവരില്‍ 1,67,306 പേരും ഇതിനോടകം രോഗമുക്തരായിരിക്കുകയാണ്. ആകെ 630 മരണങ്ങളും രാജ്യത്ത് റിപ്പോര്‍ട്ട് ചെയ്തിരിക്കുന്നത്. നിലവില്‍ 23,214 കൊവിഡ് രോഗികള്‍ യുഎഇയിലുണ്ട്. 1.89 കോടിയിലധികമാണ് ഇതുവരെ നടത്തിയ കൊവിഡ് പരിശോധനകളുടെ എണ്ണം. അതേസമയം ചൈനീസ് കമ്പനിയായ സിനോഫാം വികസിപ്പിച്ചെടുത്ത കൊവിഡ് വാക്സിന് യുഎഇ അംഗീകാരം നല്‍കിയതിന് പിന്നാലെ പൊതുജനങ്ങള്‍ക്ക് വാക്സിന് ഇഞ്ചക്ഷനുകള്‍ നല്കുകയാണ്.
Post Your Comments