ప్రముఖ రైటర్ కోన వెంకట్ ప్రొడ్యూసర్ గా అవతారమెత్తారు గానీ రైటర్ గా అందుకున్నంత సక్సెస్ ప్రొడ్యూసర్ గా అందుకోవడం లేదనే చెప్పుకోవాలి. స్టార్ ప్రొడ్యూసర్ గా ఎదగలేకపోయాడు. రీసెంట్ గా కూడా "నిశబ్దం" సినిమాతో చేతులు కాల్చుకోవడం జరిగిందని అంటున్నారు ఫిలిం నగర్లో. కరోనా పాండెమిక్ వలన థియేటర్లు మూతపడటంతో "అనుష్క" ప్రధాన పాత్రలో నటించిన "నిశబ్దం" ఓటీటీలో విడుదలవడం జరిగింది. మిశ్రమ స్పందన తెచ్చుకుంది ఈ సినిమా.

అనుష్క క్రేజ్ తో ఈ సినిమా భారీ విజయం నమోదు చేస్తుందని కోన పెట్టుకున్న ఆశలు గాల్లో కలిసిపోయాయి.  ఒకవేళ ఈ సినిమా థియేటర్స్ లో రిలీజ్ అయి ఉంటే మంచి ఫలితం లభించేదేమో. కానీ, పరిస్థితుల ప్రభావంతో ఈ సినిమా రిలీజ్ ఓటీటీకే పరిమితమవ్వాల్సి వచ్చింది. 

మొత్తానికి అనుష్క క్రేజ్ కూడా కాపాడలేకపోవడంతో కోన వెంకట్ మరో సినిమా నిర్మాణంపై దృష్టిపెట్టాడు. ఆ సినిమా పేరు "రౌడీ బేబీ". ఇందులో "వేంకటాద్రి ఎక్స్ప్రెస్" ఫేమ్ సందీప్ కిషన్ హీరోగా నటిస్తున్నాడు. "మెహబూబా" ఫేమ్ నేహా శెట్టి హీరోయిన్ గా నటిస్తోంది. ఈ సినిమాను జి. నాగేశ్వరరెడ్డి డైరెక్ట్ చేస్తున్నాడు. "రౌడీబేబీ" గనక ప్రేక్షకులను ఆకట్టుకుంటే కోన వెంకట్ కు ప్రొడ్యూసర్ గా మంచి బ్రేక్ లభిస్తుందని ఇండస్ట్రీలో టాక్. 

స్టార్ స్టేటస్ ను నమ్ముకోకుండా కేవలం కథ కథనంపై దృష్టిపెడితే సక్సెస్ ఆటోమేటిక్ గా వస్తుందన్న విషయం కూడా ప్రూవ్ అవుతుంది మరోసారి. సందీప్ కిషన్ కు కూడా ఈ సమయంలో హిట్టవసరం. "రౌడీబేబీ" వీళ్ళిద్దరికీ కలిసి వస్తుందో లేదో చూడాలి మరి.