నిజానికి ప్రణయ్ అమృత ప్రేమ వివాహం చేసుకోగా తమ కులం కాదన్న కారణంగా అమృత తండ్రి మారుతీరావు ప్రణయ్ ని హత్య చేయించాడు. ఈ హత్య దేశవ్యాప్తంగా సంచలనంగా మారింది. కొన్నాళ్ళ పాటు జైలు జీవితం గడిపిన మారుతీ రావు ఎవరూ ఊహించని విధంగా ఆత్మహత్య చేసుకుని చనిపోయాడు. ఆయన చనిపోయిన కొద్ది రోజులకి వర్మ ఈ సినిమా తీస్తున్నట్లు ప్రకటించాడు. తాను ఎవరినీ టార్గెట్ చేయడం లేదంటూనే మారుతీ రావు ని హీరోలా చుపెట్టే విధంగా సినిమా తీస్తున్నాడు అంటూ ప్రచారం జరుగుతోంది. 

ఈ క్రమంలో ఈ సినిమా తీయకూడదు అంటూ అమృత, ప్రణయ్ కుటుంబసభ్యులు ఎన్నో కోర్టులను ఆశ్రయించినా అన్ని కోర్టులలోనూ వర్మకే అనుకూలంగా తీర్పు లభించింది. ఇక వారిని రెచ్చగొట్టడానికే అన్నట్టు 22వ తేదీన వర్మ మిర్యాలగూడ లో ప్రెస్ మీట్ పెడతాను అంటున్నాడు. గతంలో కూడా ఈయన ఇలాంటి పనులే చేసాడు. వంగవీటి సినిమా తీసి విజయవాడ వెళ్లి ప్రెస్ మీట్ పెట్టాడు వర్మ. అందులో ఒక వర్గం సపోర్ట్ లభించడంతో ఏకంగా 500 కార్ల కాన్వాయ్ తో విజయవాడ ఎయిర్ పోర్ట్ నుంచి సిటీ లోకి తీసుకువెళ్ళారు. కానీ ఇక్కడ పరిస్థితి వేరు. వర్మ పర్యటన నేపధ్యంలో ఆయన పర్యటన ఆసక్తికరంగా అలాగే ఉద్రిక్తంగా కూడా మారే అవకాశం ఉంది. అసలు పోలీసులు అనుమతి ఇస్తారా లేదా అనేది కూడా తెలియాల్సి ఉంది.