నిన్న తిరుచ్చిలో జరిగిన ఒక బహిరంగ సభలో సీఎం మాట్లాడుతూ 70 ఏళ్ళ వయసులో ఉన్న వ్యక్తి బిగ్ బాస్ వ్యాఖ్యాతగా వ్యవహరిస్తున్నారు అని అలాంటి వ్యక్తి రాజకీయాలకు ఎలా వస్తారు అని ఆయన ప్రశ్నించారు. ఆయన హోస్ట్ చేస్తున్న ఆ చండాలపు షో వల్ల అనేక మంచి కుటుంబాలు నాశనం అయ్యాయనీ, ఆ షో పిల్లలు చూస్తే చెడిపోతారని మంచిగా ఉన్న కుటుంబాలు కూడా నాశనం అవుతాయని ఆయన ఆరోపణలు చేశారు.

 అయితే ప్రస్తుతం పళనిస్వామి నేతృత్వంలో నడుస్తున్న తమిళనాడు అధికార అన్నాడీఎంకే పార్టీ వ్యవస్థాపక అధ్యక్షుడు అయిన ఎంజీఆర్ గురించి కమలహాసన్ కొన్ని కామెంట్స్ చేశారని దానికి కౌంటర్ గా నీ ముఖ్యమంత్రి ఇంతగా విమర్శలు గుప్పించారనీ జోరుగా చర్చలు జరుగుతున్నాయి. ఇక ప్రస్తుతం బిగ్ బాస్ సీజన్ ఫోర్ హోస్ట్ గా ఉన్న కమల్ హాసన్ రాజకీయాల్లో కూడా బిజీ అయ్యారు మక్కల్ నీది మయ్యం పేరుతో పార్టీ స్థాపించిన ఆయన వచ్చే అసెంబ్లీ ఎన్నికల్లో పోటీ చేస్తున్నారు. ఇప్పటికే మధురై నుంచి ప్రచారం కూడా ప్రారంభించారు. ఇక రాజకీయాల్లోకి వస్తానంటూ రజినీకాంత్ చేసిన ప్రకటన కూడా తమిళ రాజకీయాల్లో సంచలనం గా మారింది. ఆయన ఎప్పుడూ తెరంగ్రేటం చేస్తారు అనేది ఆసక్తికరంగా మారింది.