ఈ కేసులో చంద్రబాబు ప్రమేయం ఉందని కానీ ఏసీబీ  ఆయన పేరు చేర్చడం లేదని కేసును త్వరితగతిన చేపట్టాలని పిటిషనర్ కోరారు. ఓటుకు నోటు కేసు  ఛార్జ్ షీట్లో చంద్రబాబు పేరును 37 సార్లు ప్రస్తావించారని అయినా ఆ కేసులో చంద్రబాబును ముద్దాయిగా చేర్చలేదని పిటిషన్లో పేర్కొన్నారు. ఓటుకు నోటు కేసు పై చంద్రబాబు పేరును చేర్చి  సిబిఐ దర్యాప్తు జరపాలని పిటిషన్ లో కోరారు. 

రాజకీయ నేతల కేసులను త్వరితగతిన విచారణ జరపాలని ఇటీవలే సుప్రీంకోర్టు  తీర్పునిచ్చింది. ఇక మరో పక్క ఈ కేసులో A-3 గా ఉన్న ఉదయ్ సింహ ను ఏసీబీ అరెస్ట్ చేసింది. ఏసీబి కోర్టుకు హాజరు కాకపోవడం పై ఏసీబీ కోర్ట్ ఉదయ్ సింహ పై నాన్ బెయిలబుల్ వారెంట్ జారీ చేసింది. నాన్ బెయిలబుల్ వారెంట్ ను ఏసీబీ అమలు చేసింది. ఇక ఈ కేసులో నిందితులుగా రేవంత్ , ఉదయసంహ, సెబాస్టియన్, సండ్రలు ఉన్నారు. ఉదయ్ సింహ ను రేపు ఏసీబీ కోర్ట్ లో హాజరు పరచగా ఈ నెల 22 దాక రిమాండ్ విధించారు.