పరిశ్రమలకు పొల్యూషన్ అనుమతులు ఇవ్వడానికి పలువురు నుంచి పాండ్యన్ భారీగా నగదు తీసుకున్నట్టు సమాచారం అందడంతో ఏసీబీ రంగంలోకి దిగింది. సైదాపేట్‌లోని పాండ్యన్ ఇంట్లో దాడులు చేసిన అధికారులు.. లెక్కలు చూపని నగదు, బంగారం, ఆస్తులను భారీగా గుర్తించారు. విలువైన వజ్రాలు, మూడు కిలోల బంగారం, మూడున్నర కిలోల వెండి అభరణాలతోపాటు రూ.1.37 కోట్ల నగదును స్వాధీనం చేసుకుంది. వీటితోపాటు మొత్తం 18 చోట్ల రూ.50 కోట్ల విలువైన స్థిర ఆస్తులున్నట్టు పత్రాలు బయటపడ్డాయి.