ఇక మూడో అంశంగా ప్రతిపక్షాలన్నీ అమరావతికే కట్టుబడుంటే జగన్మోహన్ రెడ్డి మాత్రం మూడు రాజధానులంటూ ఎందుకు మంకు పట్టుపట్టుపడుతున్నాడని ప్రశ్నించటమే విచిత్రంగా ఉంది. ఎందుకంటే ఆరోజుల్లో అమరావతిని రాజధానిగా వద్దని, స్విస్ ఛాలెంజి పద్దతిలో రాజధాని నిర్మాణం వద్దని చాలామంది చెబితే చంద్రబాబు విన్నారా ? ఏడాదికి పచ్చని మూడు పంటలు పండే ప్రాంతాన్ని నాశనం చేయద్దని ఎంతమంది మొత్తుకున్నా చంద్రబాబు ఎందుకు పట్టించుకోలేదు ? ఇక ఫైనల్ గా అమరావతే రాజధానిగా ఉండాలని మోడి కూడా చెప్పారట. రాజధాని గురించి మోడి ఏరోజు నోరిప్పి చెప్పలేదు. పైగా రాష్ట్ర రాజధాని నిర్ణయంతో కేంద్రానికి సంబంధం లేదని స్పష్టంగా మూడుసార్లు అఫిడవిట్లు దాఖలు చేశారంటేనే మోడి ఆలోచనేంటో అర్ధమైపోతోంది. మరి మోడి చెప్పని మాటను చెప్పినట్లుగా చంద్రబాబు ఎందుకిన్ని అబద్దాలు చెబుతున్నారో ఎవరికీ అర్ధం కావటం లేదు.