పవన్ కళ్యాణ్ ఎన్నో సినిమాలను ఒప్పుకున్నాడని సమాచారం. పవన్ ఇప్పటికే 'పింక్' తెలుగు రీమేక్ ని ఫినిష్ చేశాడట. ఇదిలా ఉంటే మరోపక్క 'అయ్యప్పనుమ్ కోషియమ్' సినిమాని పవన్ ఒప్పుకున్నట్టు వార్తలు వస్తోన్న సంగతి తెలిసిందే. హరీష్ శంకర్, మైత్రితో కూడా మరో సినిమాకు గ్రీన్ సిగ్నల్ ఇచ్చాడట పవన్. అయితే, వీటిలో ఏ ప్రాజెక్టు ముందు ఉంటుందో ఏ ప్రాజెక్టు వెనుక ఉంటుందో అన్న విషయంపై స్పష్టత లేదు. ఈ కారణం చేత క్రిష్ ఎంతో అసౌకర్యానికి గురవుతున్నాడని టీ టౌన్ కోడై కూస్తోంది.

సినిమా కమిట్మెంట్లను పక్కన పెడితే, పొలిటికల్ మీటింగ్స్ తో, పార్టీ డిస్కషన్స్ తో కూడా పవన్ బిజీగా ఉన్నాడని సమాచారం. వీటి ప్రభావం కూడా పవన్ సినిమా షూటింగ్ ప్లాన్స్ పై పడుతోందని వినికిడి. వీటన్నిటి కారణంగా దర్శకుడు క్రిష్ ఎంతో ఇరిటేట్ అవుతున్నాడట. 

ఇంకా సినిమా కోసం సిటీలోనే ఒక భారీ సెట్ ని నిర్మించిందట సినిమా బృందం. సముద్రం, పడవ సెట్ అట అది. ఈ సెట్ సినిమాలో ఎంతో ప్రముఖమైన పాత్రను పోషిస్తుందట. సహజంగా కనిపించాలన్న ఉద్దేశ్యంతో ఈ సెట్ ని నిర్మించారట. అయితే, వర్షాల కారణంగా ఈ సెట్ దెబ్బతిందని తెలుస్తోంది. దాంతో, నిర్మాత ఏ.ఎం. రత్నంకు బాగా లాస్ వచ్చిందని వినికిడి. ఈ కారణంగా కూడా షూటింగ్ కి మరింత ఆలస్యం అయినట్టు తెలుస్తోంది.