ఇదిలా ఉంటే... 'థాంక్ యూ' ప్రాజెక్టుకు సంబంధించి ఇప్పటికే అధికారిక ప్రకటన వచ్చేసింది. ఈ చిత్రానికి సంబంధించిన షూటింగ్ వచ్చే ఏడాది మొదలవనుంది. ఆసక్తికరమైన విషయమేమిటంటే... ఈ చిత్రంలో నాగచైతన్యని మూడు వైవిధ్య పాత్రలలో చూడవచ్చట.

శివ నిర్వాణ దర్శకత్వంలో తెరకెక్కిన 'మజిలీ' సినిమా తరువాత, నాగ చైతన్య ఏ ప్రాజెక్టు పడితే ఆ ప్రాజెక్టు ఒప్పుకోవడం లేదు. ప్రయోగాత్మకంగా, నటనకు ఆస్కారం ఉండే స్క్రిప్ట్ లకు మాత్రమే నాగచైతన్య గ్రీన్ సిగ్నల్ ఇస్తున్నాడు.

'థాంక్ యూ'లో చైతన్య ఒక గ్రామీణ యువకుడిగా అలాగే ఎన్ఆర్ఏగా నటిస్తున్నాడని వినికిడి. ఈ ప్రాజెక్టు కోసం ముగ్గురు కథానాయకుల పేర్లను ఈ సినిమా బృందం ఫైనలైజ్ చేయడానికి ఆలోచిస్తోందట. వాళ్ళని ఇంకా ఫైనలైజ్ చేయాల్సి ఉంది. ఈ చిత్రానికి సంబంధించిన స్క్రిప్ట్ వర్క్ పూర్తయిందని సమాచారం. 

ఇంకా ప్రీ ప్రొడక్షన్ పనులు కూడా ఆఖరి దశల్లో ఉన్నట్టు సమాచారం. బివిఎస్ రవి ఈ సినిమాకు కథను అందించాడు. విక్రమ్ కుమార్ ఈ చిత్రానికి స్క్రీన్ ప్లే ని అందిస్తున్నాడు. దిల్ రాజు ఈ చిత్రాన్ని నిర్మించబోతున్నాడు. ఈ మూవీకి సంబంధించిన పూర్తి వివరాలు తొందరలోనే బయటకు వస్తాయి.  

ఇదిలా ఉంటే నాగచైతన్య ప్రస్తుతం 'లవ్ స్టోరీ' చిత్రం రిలీజ్ కోసం ఎదురుచూస్తున్నాడు. ఈ మూవీకి శేఖర్ కమ్ముల దర్శకత్వం వహించాడు. ఇందులో సాయి పల్లవి హీరోయిన్ గా నటిస్తోంది. శేఖర్ కమ్ముల - నాగచైతన్య కాంబినేషన్ లో తెరకెక్కిన ఈ సినిమాపై అంచనాలు పెరుగుతున్నాయి.