ఎప్పుడు లేని విధంగా వైసీపీ ప్రభుత్వం లో పెద్ద ఎత్తున నామినేటెడ్ పదవులను, ఎమ్మెల్సీలను జగన్ నియమించారు. అయినా, పదవులు పొందిన వారు ఎవరూ పెద్దగా ప్రభుత్వానికి ఉపయోగపడుతున్నట్టు గా కనిపించడం లేదు.ఎవరికి వారు తమకు ఎందుకు వచ్చింది లే అన్నట్లుగా వ్యవహరిస్తుండడం, టిడిపి మరింత ఘాటు వ్యాఖ్యలు చేస్తూ, ప్రభుత్వ ప్రతిష్టను దెబ్బతీసే విధంగా వ్యవహరిస్తోంది. ప్రజల లో చర్చ జరిగే విధంగా తెలుగుదేశం పార్టీ చేస్తున్న విమర్శలు అన్నీ ఇన్ని కావు. మద్యం బ్రాండ్ దగ్గర నుంచి, ప్రభుత్వ పాఠశాలలో ఇంగ్లీషు మీడియం,  ఎస్సీ, ఎస్టీ ,బీసీ, మైనార్టీ లపై దాడులు, ఇలా ఎన్నో అంశాల పై విమర్శలు చేస్తున్నా, తిప్పి కొట్టే వారి సంఖ్య అంతంత మాత్రమే.

 ఇక శాసనమండలిలో తెలుగుదేశం బలం ఎక్కువగా ఉండడంతో, ఆ సభలో ప్రభుత్వం పెద్ద ఎత్తున విమర్శలు చేస్తున్నా,  వైసీపీ ఎమ్మెల్సీలు వాటిని తిప్పి కొట్టడం విఫలమవుతున్నారు అనే వ్యాఖ్యలు వినిపిస్తున్నాయి. ప్రస్తుతం వైసిపి శాసన మండలి పక్ష నేతగా ఉమ్మారెడ్డి వెంకటేశ్వర్లు ఉన్నారు. ఆయనతో పాటు ఇటీవలే చాలా మందికి శాసనమండలి సభ్యులుగా జగన్ అవకాశం కల్పించారు. అయినా పదవులు పొందిన నాయకులు పెదవి విప్పకపోవడం తో అంతిమంగా టిడిపినే పైచేయి సాధిస్తూూ, ప్రజలలో వైసీపీ ప్రభుత్వం పరువును దిగజార్చే ఈ విషయంలో  సక్సెస్ అవుతూ వస్తోంది.దీంతో పదవులు ఇచ్చినా, పార్టీకి ప్రభుత్వానికి ఉపయోగపడడం లేదనే బాధ జగన్ లోనూ వ్యక్తం అవుతోంది.