సిమ్రాన్ కౌర్ చాలా నాజూకుగా ఉంటుంది .. ఎల్లోరా గుహల నుంచి ఎగిరొచ్చిన శిల్పంలా ఉంటుంది. అలాంటి ఈ అమ్మాయి 2017లోనే 'ప్రేమతో మీ కార్తీక్' సినిమా ద్వారా తెలుగు తెరకి పరిచయమైంది. ముత్యాలు వర్షిస్తాయేమోననే  కళ్లు .. కెంపులు పేర్చినట్టుగా అనిపించే పెదాలు చూసి కుర్రాళ్లు 'ఔరా!' అంటూ నోరెళ్లబెట్టారు. అయితే ఈ సినిమా ఆడకపోవడం వలన ఆమె అందం గురించిన చర్చ జరగలేదు. ఆ తరువాత చేసిన 'పరిచయం' సినిమాకి కూడా అదే పరిస్థితి ఏర్పడింది. సరైన ఎంపిక లేకపోవడం వలన .. రావలసిన గుర్తింపు రాలేకపోయింది.