ఇకపోతే శరీరంలోంచి వచ్చే వ్యర్థ పదార్థాలను బయటకు పోనివ్వకుండా రంగులు అడ్డుకోవడం వల్ల చర్మం ఇన్ఫెక్షన్స్ కు గురవుతుంది. దీంతో చర్మం సాగే గుణం తగ్గిపోతుంది. కదలికలు కష్టమవుతాయి. ఇలాంటి సమస్యలకు దీర్ఘకాలం చికిత్స అవసరమవుతుంది.

ఇలాంటి సమస్యల నుంచి ఎలా బయట పడవచ్చునంటే..పచ్చబొట్టు వేసేవారు విధిగా చేతులకు గ్లవుజులు ధరించేలా, స్టెరిలైజ్‌ చేసిన పరికరాలనే వాడేలా చూసుకోవాలి.పచ్చబొట్టు వేయించుకున్నాక చర్మాన్ని పొడిగా ఉంచుకోవాలి. దుమ్ముధూళి, ఎండ పడనీయొద్దు. చర్మానికి అంటుకుపోయే దుస్తులు వేసుకోవద్దు. బొట్టు వేసిన భాగం నయం కావటానికి రెండు వారాలు పట్టొచ్చు. ఇకపోతే పచ్చ వల్ల చాలా మానసిక ఒత్తిడిని ఒక్కోసారి ఎదుర్కోవాల్సి ఉంటుంది. వాటిని తొలగించడానికి లేజర్లు, సర్జరీలు, చర్మం పైపొరను తొలగించటం వంటి పద్ధతులతో రంగు వెలిసిపోయేలా చేయొచ్చు. కాకపోతే ఇవన్నీ సంక్లిష్టమైన పద్ధతులు. ఖర్చూ ఎక్కువే అవుతుంది. అందువల్ల గోరింటాకు, వృక్ష రంగులతో తాత్కాలిక టాటూ లను వేయించుకోవడం మంచిదే..