చంద్రబాబు కూడా ఏ ప్రాంతానికి వెళితే ఆ ప్రాంతానికి మద్దతుగా మాట్లాడటం అందరికీ తెలిసిందే. అందుకే అందరు కలిసి చివరకు చంద్రబాబును మూలకూర్చోబెట్టారు. వీర్రాజు విషయం తీసుకుంటే మొన్న ఉత్తరాంధ్రలోని విశాఖపట్నం వెళ్ళినపుడు రాజధాని విషయం మాట్లాడలేదు. తిరుపతిలో రెండురోజుల కార్యవర్గ సమావేశాలు నిర్వహించినపుడూ అమరావతే రాజధానిగా ఉండాలని చెప్పలేదు. మధ్యలో అనంతపురం పర్యటనలో కూడా ఎక్కడా రాజధాని గురించి ప్రస్తావన రాకుండా జాగ్రత్తపడ్డారు. మరి తిరుపతి నుండి గుంటూరు జిల్లాలోకి వచ్చేయగానే ఒక్కసారిగా అమరావతికే జై ఎందుకు కొట్టినట్లు ? ఎందుకంటే వీర్రాజు కూడా ఏరోటి కాడ ఆ పాట పాడాలన్న చంద్రబాబు దారిలో నడవాలని డిసైడ్ అయ్యారేమో. అమరావతిలో చెప్పిన రాజధాని ప్రకటనే రాయలసీమ, ఉత్తరాంధ్రలో కూడా చేస్తే బాగుంటుంది.