అదేమిటంటే... ఈ సినిమా మే7న రిలీజ్ కానుందట. ఇప్పుడు ఈ రిలీజ్ డేట్ అనేది మెగా అభిమానుల్లో చర్చనీయాంశం అయింది. ఎందుకంటే సరిగ్గా ఈ తారీఖున పదిహేడు సంవత్సరాల క్రితం అల్లు అర్జున్ నటించిన 'ఆర్య' సినిమా రిలీజ్ అయింది. బన్నీ కెరీర్ లో ఈ సినిమా ఓ బ్లాక్ బస్టర్ గా నిలిచి ఆయనకు మంచి గుర్తింపును తెచ్చిపెట్టింది. ఈ సినిమా తరువాతే మెగా కాంపౌండ్ నుంచి వచ్చిన బన్నీ ఇండస్ట్రీలో వన్ ఆఫ్ ది సక్సెస్ ఫుల్ హీరోలలో ఒకరిగా పేరు సంపాదించాడు.

బన్నీ కెరీర్ ని మలుపు తిప్పిన మే 7వ తారీఖునాడే మెగాస్టార్ చిరంజీవి 'ఆచార్య' రిలీజ్ కాబోతోందని ఇండస్ట్రీలో వార్తలు వినిపిస్తున్నాయి. దాంతో, రాబోయే 'ఆచార్య' సినిమా రిజల్ట్ ని అప్పటి 'ఆర్య' సినిమా రిజల్ట్ తో అప్పుడే పోల్చడం మొదలుపెట్టేసారు మెగా అభిమానులు. మొదటి సినిమా 'గంగోత్రి' తరువాత బన్నీ నటించిన సినిమా 'ఆర్య'. సుకుమార్ డైరెక్షన్ లో తెరకెక్కిన ఈ మూవీలో బన్నీ వన్ సైడ్ లవర్ గా నటించి మెప్పించాడు. 

చిరంజీవికి సెకండ్ ఇన్నింగ్స్ ప్రకారం 'ఆచార్య' అనేది మూడవ సినిమా. 'ఖైదీ నెంబర్ 150'లో ఆయనతో ఆడిపాడిన కాజల్ అగర్వాలే ఇందులో కూడా హీరోయిన్ గా నటిస్తోంది. సో, మొత్తానికి 'ఆచార్య' సినిమా రిలీజ్ డేట్ ప్రకారం కూడా అభిమానుల్లో మంచి క్రేజ్ సంపాదించుకొంది అన్న మాట. మరి, 'ఆర్య' సినిమా ఎలాగైతే బన్నీ కెరీర్ లో టర్నింగ్ పాయింట్ గా నిలిచిందో... 'ఆచార్య' సినిమా చిరంజీవి కెరీర్ లో అలా నిలుస్తుందో లేదో చూడాలని ప్రేక్షకులు భావిస్తున్నారు. మొత్తానికి ఈ సినిమా రిలీజ్ కోసం అభిమానుల ఎదురుచూపులు మొదలయ్యాయి.