ఎప్పటికప్పుడు ఏదో ఒక అడ్డంకి తో ఆ నిర్ణయాన్ని వాయిదా వేసుకుంటూ వస్తున్నారు. ప్రస్తుతం గ్రేటర్ ఎన్నికలు ముగియడంతో తెలంగాణ క్యాబినెట్ ప్రక్షాళన చేయాలని కేసీఆర్ నిర్ణయించుకున్నారు. అంతే కాకుండా ఇటీవల నిజామాబాద్ ఎమ్మెల్సీ ఎన్నికలలో గెలుపొందిన కవిత కు మంత్రి పదవి ఇవ్వాల్సి ఉన్న నేపథ్యంలో, క్యాబినెట్ ను ప్రక్షాళన చేయాలని నిర్ణయించుకున్నట్లు సమాచారం. అదీ కాకుండా, ఇటీవల గ్రేటర్ ఎన్నికలలో ఇన్చార్జిగా కొన్ని డివిజన్లకు మంత్రులను నియమించారు. ఆ డివిజన్లలో చాలా మంది టిఆర్ఎస్ అభ్యర్థులు ఓటమి చెందారు. అక్కడ బీజేపీ గెలుపొందడంతో సదరు మంత్రుల లో టెన్షన్ నెలకొంది.

 కాకపోతే కవిత ఇన్చార్జిగా ఉన్న డివిజన్ లో టిఆర్ఎస్ ఓటమి చెందడంతో, ఇప్పుడు కవితకు మంత్రి పదవి ఎలా ఇస్తారు అనే ప్రశ్న హైలెట్ అవుతుంది. కవిత కు మంత్రి పదవి ఇవ్వాలని కేసీఆర్ ఎప్పుడో డిసైడ్ అయిపోయారు అని , మిగతా మంత్రులలో ప్రజావ్యతిరేకత ఎదుర్కొంటున్న వారికి ఈ కేబినెట్ ప్రక్షాళనలో  డిమోషన్ తప్పదు అనే వార్తలు వస్తున్నాయి. అలాగే మంత్రిగా ఉన్న కేటీఆర్ కు సీఎం గా ప్రమోషన్ కల్పించినా ఆశ్చర్యపోనవసరం లేదు అనే వార్తలు వస్తున్నాయి. ఏది ఏమైనా రాబోయే సార్వత్రిక ఎన్నికలను దృష్టిలో పెట్టుకుని కేసీఆర్ మంత్రిమండలి ప్రక్షాళన పై చాలా జాగ్రత్తలు తీసుకునే అవకాశం కనిపిస్తోంది. ప్రస్తుతం మంత్రులందరి వ్యవహారశైలి పై ప్రజల్లో ఉన్న అభిప్రాయం , నియోజకవర్గంలో పార్టీ క్యాడర్ లో ఉన్న సంతృప్తి, అసంతృప్తి ఇలా అన్నిటిని నిఘా వర్గాల ద్వారా సేకరించినట్లు తెలుస్తోంది. దానికి అనుగుణంగానే కొత్త మంత్రివర్గం కూర్పు ఉండబోతున్నట్టు తెలుస్తోంది.