నోటిఫికేషన్ల జారీ ఒక బూటకం

ఎమ్మెల్సీ ఓట్ల కోసం కొత్త నాటకం
* ఆరేండ్లకు నోటిఫికేషన్ ఇవ్వాలని గుర్తొచ్చిందా ?
* చిత్తశుద్ధి ఉంటె అన్ని రంగాల్లో ఉద్యోగాలను భర్తీ చేయాలి
 

తెలంగాణ లో నిరుద్యోగులు ఉద్యోగాల కోసం ఎదురు చూస్తున్నారు. నోటిఫికేషన్ కోసం చూసి చూసి నిరాశలో ఉన్నారు. ఈ క్రమంలో ముఖ్యమంత్రి కేసీఆర్ ఢిల్లీ నుంచి రాగానే ఉద్యోగం ఖాళీలు వివరాలు తెలుపాలని ఆదేశించారు. అయితే అదంతా నాటకమని, ఆయన మాటలు నమ్మవద్దని ఎంపీ బండి సంజయ్ పేర్కొన్నారు. ఎమ్మెల్సీ ఎన్నికల్లో గెలుపు కోసం బూటకపు మాటలు మాట్లాడుతున్నాడని అన్నారు.
తెలంగాణలో త్వరలో భారీగా ఉద్యోగాలకు నోటిఫికేషన్ ఇస్తామంటూ.. కేసీఆర్ చేసిన ప్రకటన ఓ బూటకమని బీజేపీ తెలంగాణ అధ్యక్షుడు బండి సంజయ్ అన్నారు.
ఈ సందర్భంగా ఆయన మాట్లాడుతూ.. త్వరలో జరగనున్న ఎమ్మెల్సీ పట్టభద్రుల ఎన్నికల నేపథ్యంలో.. వారి ఓట్ల కోసం కేసీఆర్ కొత్త నాటకానికి తెరలేపారని ఆరోపించారు. నోటిఫికేషన్ తప్పుల తడకలుగా ఇచ్చి కోర్టుల ద్వారా నోటిఫికేషన్ రద్దు చేసి చేతులు దులుపుకోవాలని చూస్తున్నారని.. ఈ సారి అలా చేస్తే నిరుద్యోగుల తడాఖా ఏంటో చూపిస్తామంటూ.. హెచ్చరించారు. ఆరేళ్ల తర్వాత దొరకి నిరుద్యోగులు గుర్తొచ్చారా అంటూ నిలదీశారు