ఇపుడు తాజాగా తిరుపతి లోక్ సభ ఉపఎన్నికలో కూడా ఇదే పద్దతిని అనుసరిస్తోంది. ఒకవైపు చర్చలంటునే మరోవైపు కమిటీలంటునే చివరకు బీజేపీనే పోటీ చేస్తుందని బహిరంగంగా ప్రకటించటాన్ని జనసేన నేతలు జీర్ణించుకోలేకపోతున్నారు. నిజానికి పార్టీ బలాన్ని తీసుకుంటే రెండుపార్టీలు ఒకటే. ఎందుకంటే క్షేత్రస్ధాయిలో రెండింటిలో ఏపార్టీకి కూడా బలం లేదు. మొన్నటి లోక్ సభ ఎన్నికలో బీజేపీ అభ్యర్ధికి వచ్చింది కేవలం 16 వేల ఓట్లు మాత్రమే. జనసేన బలపరచిన బీఎస్పీ అభ్యర్ధికి వచ్చింది 20 వేల ఓట్లు. ఇద్దరు అభ్యర్ధులకు వచ్చిన ఓట్లకన్నా నోటా (నన్ ఆఫ్ ది ఎబోవ్)కు వచ్చిన ఓట్లు 25 వేలంటే వీటి పరిస్ధితి ఏమిటో అర్ధమైపోతోంది. ఇక్కడ గమనించాల్సిన విషయం ఏమిటంటే తనకు లేనిబలాన్ని బీజేపీ చాలా ఎక్కువగా ఊహించేసుకుంటోంది. చూద్దాం ఎన్నికల్లో వీళ్ళ బలం ఏమిటో తేలిపోతుంది కదా.