తెలంగాణలో ఆరున్నర వేల కోట్లతో ఫెర్టిలైజర్ పరిశ్రమల్ని పునరుద్ధరించామని చెప్పారు కిషన్ రెడ్డి. పంటల బీమా పథకాన్ని తెలంగాణ ప్రభుత్వం అమలు చేయట్లేదని కిషన్ రెడ్డి విమర్శించారు. ప్రధాని మోడీపై కోపంతోనే భారత్ బంద్‌కు కేసీఆర్ మద్దతిచ్చారన్నారు. కేటీఆర్, కవితలను ఎందుకు ముందస్తు అరెస్ట్ చేయలేదని పోలీసులను ప్రశ్నించారు.దేశ వ్యాప్తంగా రైతులను కలిసి కొత్త చట్టాల గురించి వివరిస్తామని కేంద్ర మంత్రి తెలిపారు. రైతుల ఆందోళన  పంజాబ్‌కే పరిమితమైనా .. తాము దేశ వ్యాప్తంగా పర్యటిస్తామని చెప్పారు.

 మరోవైపు ఢిల్లీ సరిహద్దులో అన్నదాతల ఆందోళన కొనసాగుతోంది. 19 రోజులైనా ఏ మాత్రం వెనక్కి తగ్గడం లేదు నిరనసకారులు. ఉద్యమం విరమించి చర్చలకు రావాలని కేంద్ర వ్యవసాయ శాఖ మంత్రి ఆహ్వానించినా రైతు సంఘాలు తిరస్కరించాయి. కొత్తగా తీసుకువచ్చిన మూడు వ్యవసాయ చట్టాలను వెనక్కి తీసుకున్నామని ప్రకటించిన తర్వాతే చర్చలకు వస్తామని రైతు సంఘాల నేతలు స్పష్టం చేశారు. దీంతో రైతుల ఆందోళన ఎప్పటివరకు కొలిక్కి వస్తోందో ఎవరూ చెప్పలేకపోతున్నారు.