ఈ వ్యాక్సిన్ తొలి దశ క్లినికల్ ట్రయల్స్‌లో ఆశాజనక ఫలితాలే వచ్చాయి. టీకాతో ఉత్పత్తయిన యాంటీబాడీలు కరోనాను సమర్థంగా ఎదుర్కొన్నాయి. కానీ, రెండు, మూడో దశలో కొన్ని షాకింగ్ అంశాలను గుర్తించారు. అదేమంటే.. ఈ వ్యాక్సిన్ వల్ల ఏర్పడిన యాంటీబాడీలు హెచ్‌ఐవీ నిర్ధారణ పరీక్షలో కలగజేసుకుంటున్నాయి. ఈ ప్రతికూల ప్రభావం వల్ల hiv లేనివారికి కూడా పాజిటివ్‌గా తేలిందని అధికారులు తెలిపారు. అయితే.. వ్యాక్సిన్ వల్ల ఎలాంటి ప్రమాదం లేదని పరిశోధకులు చెబుతున్నారు. ఈ వ్యాక్సిన్‌ వల్ల ఉత్పత్తయిన యాంటీబాడీలు హెచ్‌ఐవీ నిర్ధారణ పరీక్షల్లో మాత్రమే ప్రభావం చూపుతున్నాయని.. అలాగని ఆ వ్యక్తులకు హెచ్‌ఐవీ సోకినట్లు కాదని స్పష్టం చేశారు. కొన్ని రోజుల తర్వాత మళ్లీ వారికి హెచ్‌ఐవీ నిర్ధారణ పరీక్షలు నిర్వహించగా.. నెగెటివ్‌ అని తేలినట్లు వివరించారు.

ఆస్ట్రేలియా ప్రభుత్వం ఇప్పటికే ఈ టీకాను కొనుగోలు చేసేందుకు సీఎస్‌ఎల్‌తో ఒప్పందం కూడా చేసుకుంది. ఈ ఒప్పందంతో ఆ సంస్థకు దాదాపు 75 మిలియన్‌ డాలర్ల ఆదాయం సమకూరేది. కానీ, ప్రయోగాలు రద్దు చేయడంతో దానికి బ్రేక్ పడింది. ‘టీకా అభివృద్ధి కార్యక్రమాన్ని నిలిపివేయడం కఠినమైన నిర్ణయమే. అయినప్పటికీ కొందరిలో గుర్తించిన ప్రతికూల మార్పుల వల్ల ఇది తప్పడం లేదు’ అని సీఎస్‌ఎల్‌ పేర్కొంది. మరోవైపు.. ఆస్ట్రేలియా ‘ఫైజర్’తో పాటు మరికొన్ని సంస్థలతోనూ వ్యాక్సిన్ కొనుగోలుకు ఒప్పందాలు చేసుకుంది. దీంతో సీసీఎల్ వ్యాక్సిన్ ప్రయోగాలు రద్దయినా.. ప్రజలకు టీకా అందించడంలో ఎలాంటి ఇబ్బంది లేదని అధికారులు స్పష్టం చేశారు. కరోనా వ్యాక్సిన్ కోసం ప్రపంచ ప్రజల నిరీక్షణకు ఎప్పుడు తెరదిగనుందో చూడాలి....