మిషన్ ఇంపాజిబుల్ పేరుతో నిన్న ఒక పోస్టర్ కూడా రిలీజ్ చేశాడు. మ్యాట్ని ఎంటర్టైన్మెంట్ సంస్థ నిర్మిస్తున్న ఈ సినిమాలో రిలీజ్ పోస్టర్ కు సంబంధించి శ్రీకృష్ణుడు, శివుడు, హనుమంతుల గెటప్ లో ఉన్న ముగ్గులు చిన్న పిల్లలు వాళ్ల చేతుల్లో తుపాకులు పట్టుకుని కనిపిస్తున్నారు. ఈ టైటిల్ కాస్త డిఫరెంట్ గా ఉండడంతో పాటు పోస్టర్ కూడా ఇంకాస్త డిఫరెంట్ గా ఉండడంతో ఈ సినిమాపై అంచనాలు పెరిగాయి. అయితే దేవుడు గెటప్ లో ఉన్న చిన్న పిల్లల చేతిలో గన్స్ పెట్టడం అనే అంశం మీద ఇప్పుడు వివాదం చెలరేగింది. 

హిందూ సంఘాలకు చెందిన వారు కొంతమంది సోషల్ మీడియాలో ఈ అంశం మీద తీవ్ర విమర్శలు గుప్పిస్తున్నారు. ఎవరు పడితే వారు హిందూ సమాజం మీద ఇలాంటి సినిమాలు తీస్తే ఊరుకోమని హెచ్చరిస్తున్నారు. అయితే అసలు ఈ గన్స్ ఎందుకు పెట్టారు ఏమిటి అనే సినిమా రిలీజ్ అయితే గాని తెలియదు కానీ ఒక పోస్టర్ ను ఆధారంగా చేసుకుని వారైతే కామెంట్స్ గుప్పించడం గమనార్హం. ఇక  ఈ సినిమా రెగ్యులర్ షూటింగ్ డిసెంబర్ 14 నుంచి అంటే రేపటి నుంచి ప్రారంభం కాబోతోందని సమాచారం. ఈ సినిమాకు రాబిన్ సంగీతం అందిస్తుండగా హీరో హీరోయిన్ ఎవరనేది ఇప్పటి దాకా సరైన క్లారిటీ లేదు. సినిమా టైటిల్ అలాగే పోస్ట్ ను బట్టి చూస్తే ఇది ఏమైనా చిన్న పిల్లల సినిమా అనే అనుమానాలు కూడా వ్యక్తం కావడం గమనార్హం