ആത്മനിര്‍ഭര്‍ ഭാരത് പാക്കേജ് : കേന്ദ്രം പ്രഖ്യാപിച്ച വായ്പയുടെ ആദ്യ ​ഗഡു കേരളത്തിന് ലഭ്യമായി

ദില്ലി: ആത്മനിര്‍ഭര്‍ ഭാരത് പാക്കേജിന്റെ ഭാ​ഗമായി കേന്ദ്ര ധനമന്ത്രി പ്രഖ്യാപിച്ച വായ്പയുടെ ആദ്യ ​ഗഡു കേരളത്തിന് ലഭ്യമായി . വികസന പദ്ധതികളു‌ടെ മൂലധനച്ചെലവിനായാണ് വായ്പ അനുവദിച്ചിരിക്കുന്നത്.റേഷന്‍ കാര്‍ഡ്, ഊര്‍ജ വിതരണം, ബിസിനസ്, തദ്ദേശഭരണം എന്നിവയിലെ പരിഷ്കാരങ്ങളുമായി ബന്ധപ്പെട്ടാണ് 2,000 കോടി വിഹിതം വകയിരുത്തിയിരിക്കുന്നത്.

രണ്ട് ​ഗഡുക്കളായി ലഭ്യമാക്കുന്ന വായ്പാ തുക അടുത്ത മാര്‍ച്ച്‌ 31 ന് അകം ചെലവഴിക്കണം. കേരളം അടക്കമുളള 27 സംസ്ഥാനങ്ങള്‍ക്കായി 9,879.61 കോടി രൂപയാണ് കേന്ദ്ര ധനമന്ത്രാലയം അനുവദിച്ചത്.ഇതില്‍ കേരളത്തിന് 163 കോടി രൂപ ലഭിക്കും.

read also: ക്യാമ്പസ് ഫ്രണ്ട് ദേശീയ സെക്രട്ടറിയുടെ അറസ്റ്റ് ; സിദ്ധിഖ് കാപ്പന് കൂടുതൽ കുരുക്കായി റൗഫുമായി ബന്ധം

ഇതിന്റെ ആദ്യ​ഗുഡുവായി 81.5 കോടി കേരളത്തിന് കൈമാറി. 50 വര്‍ഷത്തെ തിരിച്ചടവ് കാലാവധി വ്യവസ്ഥയില്‍ എല്ലാ സംസ്ഥാനങ്ങള്‍ക്കുമായി 12,000 കോടി രൂപയാണ് പലിശ രഹിതമായി കേന്ദ്ര സര്‍ക്കാര്‍ വായ്പ നല്‍കുന്നത്.