తాను రెండు సినిమాలు సైన్ చేశానని కానీ ఇప్పుడే తానేమీ ప్రకటించలేనని ఆమె పేర్కొంది. ఆయా సంస్థలే ఆ సినిమాలను ప్రకటిస్తాయని అనుష్క పేర్కొంది. అయినా సరే ఎందుకో గానీ ఈమె బరువు తగ్గ లేక సినిమాలు మానేస్తుంది అంటూ ప్రచారం మొదలు పెట్టారు. అయితే నిజానికి ఆమె సినిమాల కోసం బరువు పెరగడం, తగ్గడం ఎప్పుడూ చేసే పనే. ఆ విషయం ఆమె సినిమాలే ప్రూవ్ చేస్తున్నాయి కూడా. అయితే అందుకే ఇప్పుడు అనుష్క ఫ్యాన్స్ ఆమె పాత వీడియో ఒకటి సోషల్ మీడియాలో వైరల్ చేస్తున్నారు. ప్రదీప్ గతంలో కొంచెం టచ్ లో ఉంటే చెప్తా షో చేసిన సంగతి తెలిసిందే. 

అప్పట్లో ఈ షోలో పాల్గొన్న అనుష్క తాను ఒక సినిమా క్యారెక్టర్ కోసం ఎంత బరువు పెరగడానికి అయినా తగ్గడానికి అయినా సిద్ధమేనని చెప్పుకొచ్చింది. అదే ఒక మనిషి వచ్చి నువ్వు బరువుగా ఉంటావు నేను నిన్ను పెళ్లి చేసుకోను అంటే ముందు ఇక్కడి నుంచి పొమ్మంటా అని ఆమె చెప్పుకొచ్చింది. అంటే చేసే వ్రుత్తి కోసం ఏమయినా చేయచ్చు కానీ ఇలా బరువుని చూసి మనుషులను జడ్జ్ చేసే వాళ్ళను దూరం పెడతానని ఆమె చెప్పుకొచ్చింది. దీన్ని బట్టి అనుష్క డెడికేషన్ లెవెల్స్ ఏమేరకు ఉన్నాయో అర్థం చేసుకోవచ్చు.