తారక్ "ఆర్ఆర్ఆర్" లోని తన పోర్షన్ ను కంప్లీట్ చేయగానే, త్రివిక్రమ్ శ్రీనివాస్ తో కలిసి వర్క్ చేయడం స్టార్ట్ చేస్తాడు. త్రివిక్రమ్ తో తారక్ ది ఇది రెండవ చిత్రం అవుతుంది. మొదటిది, "అరవింద సమేత". ఆ సినిమా ఆశించిన ఫలితం ఇవ్వలేదన్న సంగతి తెలిసిందే. ఇక తారక్ తో త్రివిక్రమ్ తెరకెక్కించబోయే ఈ లేటెస్ట్ మూవీ ఫ్యామిలీ డ్రామాగా రూపొందనుందని టాక్. ఈ సినిమాకు "రాజా వచ్చినాడు" అన్న టైటిల్ ను ఫిక్స్ చేయాలని అనుకుంటున్నారన్న వార్తలు వస్తున్నాయి. 

ఇంతకు ముందు "అయిననూ పోయి రావలె హస్తినకు" అన్న టైటిల్ ను పరిశీలించారు. ఏది ఏమైనా "అ" సెంటిమెంట్ ను పక్కన పెట్టి ముందుకు వెళ్లాలని త్రివిక్రమ్ భావిస్తున్నట్టు అర్థమవుతోంది. ఇందులో ఎన్టీఆర్ ఫారీన్ నుంచి వచ్చి రాజకీయాల్లోకి ఎంట్రీ ఇవ్వాలని భావించే పాత్రలో కనిపించనున్నాడు. ఢిల్లీ పాలిటిక్స్ తో స్టోరీ ఎక్కువగా ముడిపడి ఉందట. అందుకే ఇంతకు ముందు ""అయిననూ పోయి రావలె హస్తినకు" అన్న టైటిల్ ను పరిశీలించారు. 

ఇప్పుడు, "రాజా వచ్చినాడు" టైటిల్ ను నిర్మాతలు రిజిస్టర్ చేసుకున్నట్టు తెలుస్తోంది.  కథకు ఈ లేటెస్ట్ టైటిల్ బాగా సూట్ అవుతుందని నిర్మాతలు భావిస్తున్నారట. ఈ సినిమాకి సంబంధించి స్క్రిప్ట్ వర్క్ ను త్రివిక్రమ్ ఫినిష్ చేశాడట. ఎన్టీఆర్ జాయిన్ అవగానే షూట్ ప్రారంభం అవుతుంది. 

మొత్తానికి ఎన్టీఆర్ అలాగే త్రివిక్రమ్ కాంబో అనేది అభిమానులకు ఇంటరెస్ట్ ను క్రియేట్ చేస్తోంది అనడంలో సందేహం లేదు. ఇది ఎన్టీఆర్ కు ముప్పైవ సినిమా అవుతుంది.