ఈ సినిమా మూడేళ్లపాటు పాటు మేకింగ్ దశలోనే ఉంది. అనేక కారణాల వలన షూటింగ్ వాయిదా పడుతూ వస్తూ ఉంది. రానా ఓపెన్ గా కూడా ఈ సినిమా విషయంలో కాస్త నిరాశ చెందారన్న టాక్ కూడా వచ్చింది. ఇప్పుడు, సుదీర్ఘ డిలే తరువాత ఈ సినిమా తెలుగు వెర్షన్ విడుదలకు సిద్ధమైంది. రానా అలాగే రెజీనా ఈ విషయంలో ఎంతో సంతోషంగా ఉన్నారు. ఈ సినిమాను తెలుగులోకి ప్రముఖ నిర్మాత సి కళ్యాణ్ తీసుకురాబోతున్నారు. తమిళ దర్శకుడు సత్యశివ ఈ సినిమాను డైరెక్ట్ చేయడం జరిగింది. 

ఈ సినిమాలో నాజర్, సత్యరాజ్, ఆర్జే బాలాజీ కీలక పాత్రలో నటించారు. రానా, నాజర్ అలాగే సత్యరాజ్ కాంబినేషన్ బాహుబలిలో బాగానే వర్కవుట్ అయిందనే చెప్పుకోవాలి. ఈ ఈక్వేషన్స్ ఈ సినిమాకి కూడా కలిసివస్తాయేమో చూడాలి. 

మరోపక్క, రానా "విరాట పర్వం" సినిమా కోసం ప్రస్తుతం బిజీగా ఉన్నారు. ఈ సినిమాలో సాయి పల్లవి అలాగే ప్రియమణి కూడా మెయిన్ రోల్స్ పోషిస్తున్నారు. 

ఈ మధ్య కాలంలో రెజీనా కెసెండ్రాకు తెలుగులో మూవీస్ ఏమీ లేవు. రానాతో నటించిన ఈ సినిమా రిలీజ్ ఐతే రెజీనాకు కూడా మళ్ళీ కెరీర్ పరంగా కలిసి వచ్చే అవకాశాలున్నాయి. హావభావాలతో గ్లామరస్ యాక్టింగ్ తో ప్రేక్షకులను ఆకట్టుకునే రెజీనాకు తన ఖాతాలో మరిన్ని ప్రాజెక్ట్స్ ను సొంతం చేసుకునే అవకాశం ఈ సినిమా కలిగిస్తుందో లేదో వేచి చూడాలి.