ఈ బిల్లు పై రైతులలో అనవసర అపోహలు ఉన్నాయని, ఇది రైతులకు మేలు చేసేది అని చెబుతున్నాయి. కానీ రైతులు మాత్రం ప్రభుత్వం తమకు వ్యతిరేకంగా కొత్త చట్టాలు తెచ్చి తమ జీవితాలను నాశనం చేయాలని చూస్తోందని ఆరోపిస్తున్నాయి. ఢిల్లీలో రైతులు చేపట్టిన నిరసన దీక్షలతో వివిధ పార్టీలు సంఘీభావం తెలిపాయి. చాలా దేశాలు ఇప్పటికే ఈ వ్యవహారంపై స్పందించాయి. అయితే ఈ వ్యవహారంపై కేంద్రం తీరు పై ప్రతి ఒక్కరిలోనూ అసంతృప్తి ఉంది. వ్యవసాయంలో కొత్త విధానాలను తీసుకువస్తే రైతుకు అది మేలు చేసేది అవుతుంది కానీ, వ్యవసాయ రంగానికి సంబంధించి ఏకంగా కొత్త చట్టాలను తీసుకు వస్తే అది రైతులకు ఇబ్బంది కలిగించేదే. అయితే దాని వల్ల ఉపయోగం ఏముంటుంది అనేది రైతులు చెబుతున్న మాట. 

కొత్త సంస్కరణల పేరుతో వ్యవసాయాన్ని నాశనం చేస్తున్నారు అంటూ రైతు సంఘాలు కేంద్రం తీరుపై మండిపడుతున్నాయి. ఇప్పటికి అనేక దఫాలుగా కేంద్రం చర్చించి కొన్ని ప్రతిపాదనలను పెట్టినా, వాటిని రైతులు తిరస్కరించారు. ఇక ఈ పోరు మరింత ఉధృతం చేసేందుకు రైతులు సిద్దమవుతుండటంతో కేంద్రం టెన్షన్ పడుతోంది. ఇప్పటికే ఈ వ్యవహారం కారణంగా ఎన్డీఏలోని మిత్రపక్షాలు దూరమైన నేపథ్యంలో ఈ వ్యవహారం ఎక్కడి వరకు వెళ్తుందో అనే టెన్షన్ లో కేంద్రం ఉంది.