ఒకప్పుడు జాతీయ స్థాయిలో చంద్రబాబు హవా నడిచేది. ఫరూక్ అబ్దుల్లా వంటి సీనియర్ నాయకులు సైతం బాబు కోసం హైదరాబాద్ కు క్యూ కట్టేవారు. అయితే 2014 ఎన్నికలకు ముందు మాత్రం ఎన్డీయే కూటమిలో చేరిన బాబు ఎన్నికల అనంతరం కొంతకాలం పాటు సఖ్యత గానే ఉన్నా, ఆ తర్వాత ఎన్డీఏ నుంచి బయటకు వచ్చేశారు. ఎన్నికల సమయంలోమమతా బెనర్జీ-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. '> మమతా బెనర్జీ, అఖిలేష్ యాదవ్, మాయావతి వంటి వారిని కలిసి బీజేపీ వ్యతిరేక కూటమి ఏర్పాటు చేసేందుకు ప్రయత్నించారు. కర్ణాటక వెళ్లి కుమారస్వామి ప్రమాణస్వీకారం లో పాల్గొన్నారు . బిజెపికి వ్యతిరేకంగా ఉన్న అన్ని పార్టీల తో సఖ్యత గా ఉంటూ వచ్చేవారు. 

కానీ ఇప్పుడు జాతీయ రాజకీయాలను పూర్తిగా పక్కన పెట్టేశారు. తెలంగాణలోనూ టిడిపిని పట్టించుకునే పరిస్థితిలో బాబు లేరు. వచ్చే ఏడాది తమిళనాడు, పశ్చిమ బెంగాల్ వంటి చోట్ల ఎన్నికలు జరగబోతున్నాయి. అలాగే డీఎంకె అధినేత స్టాలిన్ వంటి వారు బాబుకు మంచి మిత్రులు. అయినా ఎవరి తరఫున ఎన్నికల ప్రచారానికి వెళ్లేందుకు బాబు ఇష్టపడడం లేదు.దీనికి మరో కారణం ఉంది. ప్రస్తుతం బీజేపీతో సఖ్యతగా ఉండేందుకు ప్రయత్నిస్తున్నారు. ఆయన బీజేపీ వ్యతిరేక పార్టీలతో సన్నిహితంగా ఉండటం ద్వారా మొదటికే మోసం వస్తుందనే అనుమానంతో అందరినీ దూరం పెట్టి ప్రస్తుతం ఏపీ రాజకీయాలపై పూర్తి స్థాయిలో దృష్టిపెట్టినట్లు గా కనిపిస్తున్నారు.