ముఖ్యంగా పశ్చిమ గోదావరి జిల్లా నుండి టిడిపి ఎమ్మెల్యే రామరాజు వ్యవహారంపై పార్టీలో పెద్ద చర్చ జరుగుతోంది. తాజాగా ఆయన అసెంబ్లీలో మాట్లాడిన వ్యవహారం పైన ఇప్పుడు చర్చ జరుగుతోంది. దాదాపు 20 నిమిషాల పాటు మాట్లాడిన రామరాజు ఆ సందర్భంగా ఏపీ సీఎం జగన్ ను పొగడ్తలతో ముంచెత్తారు.దీంతో ఆయన పార్టీ మారేందుకు ఇలా వ్యవహరిస్తున్నారనే అనుమానాలు మొదలయ్యాయి. ఇదిలా ఉంటే ఉండి నియోజకవర్గం లో రామరాజు ఇబ్బందికర పరిణామాలు ఎదుర్కొంటున్నారు. 

ఎమ్మెల్యేగా మొదటిసారిగా గెలిచిన  తనకు ఎమ్మెల్యే అన్న హోదా తప్ప , తన పెత్తనం ఏమి సాగకపోవడం , కనీసం చిన్నా, చితకా పనులు చేయించుకో లేకపోవడం,పూర్తిగా వైసీపీ నాయకుల హడావుడి నడుస్తుండడం, దీనికితోడు ఉండి వైసీపీ ఇన్ చార్జ్ పీవీ నరసింహరాజు, అలాగే జిల్లాకు చెందిన మంత్రి శ్రీరంగనాథరాజు వంటివారి పెత్తనం నడుస్తుండడం, పార్టీలో మాజీ ఎమ్మెల్యే వెంకట శివరామరాజు పెత్తనం ఇలా ఎన్నో అంశాలు లెక్కలోకి తీసుకుంటూ ఆయన వైసీపీ కి అనుబంధంగా ఉంటూ, తన హవా నడిచే విధంగా చేసుకునేందుకు ప్రయత్నిస్తున్నట్టు గా వ్యవహరిస్తుండడం తో ఆయన వ్యవహారం పై టిడిపి లో పెద్ద చర్చ జరుగుతోంది.