ప్రస్తుతం విజయ్ దేవరకొండ 'ఫైటర్' అనే సినిమా కోసం వర్క్ చేస్తున్నాడు. ఈ చిత్రానికి పూరీ జగన్నాథ్ దర్శకత్వం వహిస్తున్నాడు. ఇదిలా ఉంటే శివ నిర్వాణ నానీని హీరోగా పెట్టి 'టక్ జగదీశ్' అనే సినిమా తెరకెక్కిస్తున్నాడు. ఈ సినిమా షూటింగ్ డిసెంబర్ చివరికి ముగుస్తుందని అంచన. ఒకవేళ ఇదే నిజమైతే ఈ సినిమా షూటింగ్ తరువాత శివ నిర్వాణ వెంటనే విజయదేవరకొండతో తాను తీయబోయే సినిమాపై దృష్టిని పెట్టవచ్చు. అన్నట్టు విజయ్ తో తాను తెరకెక్కించబోయే సినిమాకి శివ నిర్వాణ ఇప్పటికే ప్రీ ప్రొడక్షన్ పనులు మొదలుపెట్టేసాడట. శివ నిర్వాణ - విజయ్ సినిమా 2021లో సెట్స్ మీదకు వెళ్లనుందని ఒక పుకారు ఇండస్ట్రీలో నడుస్తోంది. 

ఈ వార్తలు నిజమయ్యి విజయ దేవరకొండతో శివ నిర్వాణ సినిమా ఒకవేళ తీస్తే ఆ సినిమా ఎలా ఉంటుందో అన్న ఆసక్తి అభిమానులలో నెలకొంది. ఎందుకంటే శివ నిర్వాణ ఇప్పటివరకు 'నిన్ను కోరి', 'మజిలీ' వంటి సున్నితమైన సినిమాలను తెరకెక్కించాడు. ఈ కారణంగా విజయ్ దేవరకొండని శివనిర్వాణ తనదైన శైలిలో తన సినిమాలో ఎలా చూపిస్తాడా అన్న అంశం ఇప్పుడు ఆసక్తికరంగా మారింది. సో, ఈ వార్తలు నిజమో కావో, ఒకవేళ నిజమైతే విజయ్ ని శివ నిర్వాణ ఎలా చూపిస్తాడో వంటి అంశాలు తెలుసుకోవాలంటే మరి కొంత కాలం వేచి ఉండాల్సిందే.