సల్మా, అహ్మద్‌ అలీల పెళ్లి  వేడుకలో రాజమండ్రి యం.పీ మర్గాని  భరత్‌ కూడా పాల్గొని నూతన వధూవరులను ఆశీర్వదించారు. సల్మాకు తండ్రి లేకపోవటంతో తండ్రి స్థానాన్ని మేనమామ అలీ తీసుకుని పెళ్లి వేడుకని అంగరంగా వైభవంగా జరిపారు. ఈ సందర్భంగా నూతన దంపతులకు అందరి దీవెనలు కావాలని అలీ కోరుకున్నారు. ఇక ప్రస్తుతం అలీ వరుస సినిమాలతో బిజీగా ఉన్నాడు. ఒకపక్క సినిమాలు చేస్తూనే ఆలీతో జాలీగా అనే ఒక షో విజయవంతంగా నడిపిస్తూ బుల్లితెర ప్రేక్షకులకు చాలా దగ్గరవుతున్నాడు. 

మరోపక్క ఈయన  యమలీల సినిమా కి సీక్వెల్ గా వస్తున్న ఒక సీరియల్లో కూడా నటిస్తున్నాడు ఈటీవీలో ప్రసారమవుతున్న ఈ సీరియల్ కు ఎస్ వి కృష్ణారెడ్డి దర్శకత్వం. ఇక గత ఎన్నికల్లో అలీ వైయస్సార్ కాంగ్రెస్ పార్టీకి మద్దతుగా ప్రచారం చేసిన సంగతి తెలిసిందే. అప్పుడే ఆయన మంత్రి పదవి ఆశించారు. కానీ ఎందుకో కానీ ఎన్నికలు పూర్తయిన తర్వాత నుంచి ఈయన పూర్తిగా రాజకీయాల వైపు చూడటం మానేశారు. ప్రస్తుతం సినిమా ఇండస్ట్రీలో ఈయన బిజీగా గడుపుతున్నాడు