పవన్ ను బిజెపి అగ్రనేతలు ఎవరు పట్టించుకోవట్లేదు అనట్టుగానే వ్యవహరిస్తూనే పవన్ వచ్చారు. అలాగే దుబ్బాక ఉప ఎన్నికల ప్రచారానికి పవన్ రావాల్సిందిగా కోరినా, బీజేపీ నేతలు ఎవరూ పట్టించుకోలేదు. గ్రేటర్ పరిధిలో సొంతంగా ఎన్నికల బరిలోకి దిగారు. కానీ బిజెపి నేతల ఒత్తిడితో ఆ ప్రయత్నాన్ని విరమించుకున్నారు.  ఇప్పుడు ఏపీలో తిరుపతి పార్లమెంటు ఎన్నికల హడావుడి ఉండడం తో ఈ రెండు పార్టీలు అనేక ఉద్యమాలకు శ్రీకారం చుట్టాయి. వాస్తవంగా ఈ రెండు పార్టీల మధ్య పొత్తు ఉండడంతో కలిసికట్టుగా పోరాటం చేసి సీట్లు సర్దుబాటు చేసుకుంటారు అని అనుకున్నా, విడిగానే పోరాడుతున్నారు. ప్రస్తుతం నివర్ బాధితులకు అండగా నిలిచేందుకు జిల్లాల పర్యటన చేపట్టి రైతుల కోసం దీక్ష చేపట్టారు. ఇక బీజేపీ కూడా విడిగానే తుఫాన్ బాధితులకు అండగా ఆందోళనలు నిర్వహిస్తోంది. 

ఏపీ లోని రోడ్ల దుస్థితి పై బీజేపీ ఆందోళన నిర్వహిస్తోంది. అయితే ఈ రెండు పార్టీలు తిరుపతి పార్లమెంటు ఉప ఎన్నికలను టార్గెట్ చేసుకుని ఇప్పుడు వైసీపీ ప్రభుత్వం పై పోరాటానికి దిగాయి. ఎట్టి పరిస్థితుల్లో అయినా తిరుపతి లో పోటీ చేయాలనే కసితో బిజెపి, జనసేన లు భావిస్తున్నాయి. అయితే ఈ రెండు పార్టీల మధ్య విభేదాలతో ఆ అవకాశం ఉండేలా కనిపించడంలేదు. టికెట్ విషయమై బిజెపి ఒక కమిటీని కూడా నియమించింది . అది తేలకుండా రెండు పార్టీలు విడివిడిగా పోరాటాలకు దిగడం తో ఈ రెండు పార్టీల పొత్తుపై సవాలక్ష సందేహాలు అలుముకున్నాయి.