దీంతో ఈ వ్యవసాయ సంస్కరణలు బిల్లులో అసలు ఏముంది ? రైతులకు మేలు చేసే కీడు చేసేదా అనే సందిగ్దత నెలకొంది. ఈరోజు లక్షలాది మంది రైతులతో ఢిల్లీ కిక్కిరిసిపోయింది. దేశ రాజధాని ఢిల్లీ పొలిమేర్లలో రైతులు కదం తొక్కారు. లక్షలాది మంది రైతులు కేంద్రం తీరుకు నిరసనగా ఆందోళనకు దిగారు. అయితే రైతు సంఘాల ప్రతినిధులతో కేంద్రం మరోసారి చర్చలు జరిపేందుకు సిద్ధమవుతోంది. ఈ బిల్లుపై అందరిలోనూ భిన్నాభిప్రాయాలు నెలకొన్నాయి. దేశ విదేశాల నుంచి ఎంతోమంది ఈ వ్యవహారంపై స్పందిస్తున్నారు. కేంద్రం తీసుకొచ్చిన నూతన వ్యవసాయ చట్టాలను వెంటనే వెనక్కి తీసుకోవాలని ఛలో ఢిల్లీ బాట పట్టిన రైతులను శాంతింప చేయడం ప్రభుత్వానికి కాని పనిగా మారింది. 

ఇప్పటికే ఈ వ్యవహారం కారణంగా బీజేపీ ప్రభుత్వం ఎన్నో రకాలుగా ఇబ్బందులు ఎదుర్కొంటోంది. ఎన్ డీ ఏ లోని బిజెపి మిత్రపక్షాలు దూరమయ్యాయి. అయినా కేంద్రం ఈ వ్యవహారంలో వెనక్కి తగ్గేలా కనిపించడం లేదు. చర్చల ద్వారా రైతులకు ఒప్పించాలని కేంద్రం చూస్తోంది. ఈ వ్యవహారం రాజకీయ రంగు కూడా పులుము కోవడంతో ఎప్పుడు ఏం జరుగుతుందో తెలియని పరిస్థితి నెలకొంది.