శ్యామ్ జామ్ పేరుతో ఆహా యాప్ లో స్ట్రీమ్ అవుతున్న ఈ షో లో సమంత సెలబ్రిటీలను ఇంటర్వ్యూ చేస్తుంది. మొదటి ఎపిసోడ్ విజయ్ దేవరకొండతో చేయగా మరో ఎపిసోడ్ చిరంజీవితో చేసింది. చిరంజీవితో చేసిన ఎపిసోడ్ ఇంకా టెలికాస్ట్ అవ్వకుండానే మరో రెండు ఎపిసోడ్స్ టెలీకాస్ట్ చేసేసారు. ఆ విషయం పక్కన పెడితే ఈమె ప్రస్తుతం సినిమా లేవీ చేయక పోయినా ఫ్యామిలీ మాన్ కు సీక్వెల్ గా వస్తున్న ఫ్యామిలీ మ్యాన్ 2 సిరీస్ చేసింది. ఇందులో ఈమె పాత్ర పోషిస్తున్నట్లు ముందు నుంచే ప్రచారం జరిగింది. అయితే ఈమె పాత్ర గురించి తాజాగా ఆ సిరీస్లో కీలక పాత్ర పోషించిన నటుడు ఒకరు వ్యాఖ్యలు చేశారు. 

ఈ రెండో భాగం సిరీస్ కి సమంత ఒక సర్ప్రైజ్ ప్యాకేజీ అని ఆయన చెప్పుకొచ్చాడు. ఆయన ఎవరో కాదు షరీద్ హష్మీ. సిరీస్లో మనోజ్ బాజ్పాయ్ తో పాటు ఇన్వెస్టింగ్ ఏజెన్సీల్లో పని చేసే జెకె అన్నమాట. తాజాగా ఆయన మీడియాతో మాట్లాడుతూ ఈ సిరీస్ కి సంబంధించి ఈ కామెంట్ చేశాడు.ఈ దెబ్బతో సెకండ్ సీజన్ అంతా సమంత మీద ఆధారపడి ఉంటుందని సమంత అభిమానులు సంబరపడిపోతున్నారు. సినిమాలు అనౌన్స్ చేయకపోతేనేమి కానీ భలే మంచి వార్త తెలిసిందని వారంతా సంబరాల్లో మునిగిపోయారు.