టిఆర్ఎస్ కు 38 ఎక్స్ అఫిషియో ఓట్లు ఉన్నా , ఇప్పుడు సాధించిన సీట్లతో వాటిని కలుపుకుంటే ఆ పార్టీ బలం 92 దగ్గరే ఆగిపోతుంది. అంటే తప్పనిసరిగా ఎంఐఎం ను బతిమిలాడుకోవాల్సిన పరిస్థితి ఏర్పడింది. ఎంఐఎం పార్టీ సొంతంగా 42 స్థానాలను గెలుచుకుని సత్తా చాటుకుంది. ఆ పార్టీకి 10 మంది వరకు ఎక్స్ అఫీషియో సభ్యులు ఉన్నారు. ఈ లెక్కన చూసుకుంటే మేయర్ పీఠం కోసం టిఆర్ఎస్ పార్టీ, ఎంఐఎం పార్టీని కాపాడుకోవాల్సిన పరిస్థితి. గ్రేటర్ ఎన్నికలకు ముందు వరకు టిఆర్ఎస్, ఎంఐఎం పార్టీలు స క్యతగా ఉంటూ వచ్చాయి. అయితే ఎన్నికల సమయంలో ఒకరిపై ఒకరు విమర్శలు చేసుకుంటూ వచ్చారు. ఇప్పుడు మేయర్ పీఠాన్ని ఎంఐఎం టిఆర్ఎస్ పార్టీ  కలిసి పంచుకున్నా,  ఈ వ్యవహారం టిఆర్ఎస్ కు కాస్త గందరగోళం కలిగించేదే. 

మతతత్వ పార్టీ అంటూ బీజేపీని టిఆర్ఎస్ విమర్శించిన నేపథ్యంలో , అదే మతతత్వ పార్టీ ఎంఐఎం తో ఏ విధంగా పొత్తు పెట్టుకున్నారు అన్ ప్రశ్నలు టిఆర్ఎస్ కు ఎదురవుతాయి. వీటికి సమాధానం చెప్పాల్సిన అవసరం ఉంది. అయితే ఇప్పుడున్న పరిస్థితుల్లో ఎంఐఎం మాత్రమే టిఆర్ఎస్ ను గట్టెక్కించేదిగా కనిపిస్తుండడంతో , వారిని సంప్రదించి ...వారు కోరిన డిమాండ్లు నెరవేర్చి మరీ గ్రేటర్ మేయర్ పీఠాన్ని దక్కించుకోవాలని పరిస్థితి టిఆర్ఎస్ కు వచ్చి పడింది. మొత్తంగా ఈ వ్యవహారంలో చూసుకుంటే టిఆర్ఎస్ బిజెపి కంటే ఎంఐఎం ఇప్పుడు కీలకంగా మారింది.