ఈ మధ్యనే తెలంగాణలో కొత్త కమిటీని కూడా వేసి పరుగులు పెట్టించాలని , టిఆర్ఎస్ కు ప్రధాన ప్రత్యర్థిగా టిడిపిని నిలబెట్టాలని చంద్రబాబు చేయని ప్రయత్నం అంటూ లేదు. తెలంగాణలో తమకు బలం లేదు అని తెలిసినా టిఆర్ఎస్ పార్టీని ఇబ్బంది పెట్టడమే ఏకైక లక్ష్యంగా టిడిపి ఎన్నికల బరిలోకి దిగి 106 స్థానాల్లో అభ్యర్థులను నిలబెట్టింది. వారెవరు డిపాజిట్లు కోల్పోయారు కూకట్ పల్లి జూబ్లీహిల్స్,  బంజారాహిల్స్ వంటి ప్రాంతాల్లోనూ టిఆర్ఎస్ పార్టీ తన సత్తా చాటుకుంది. గ్రేటర్ ఎన్నికలలో టిడిపి అభ్యర్థులను బరిలోకి దింపిన చంద్రబాబు,  లోకేష్ సైతం ఎన్నికల ప్రచారానికి దిగలేదు. ఫలితాలు తేడాగా ఉంటాయి అని తెలియడంతో ముందుగానే జాగ్రత్త పడ్డారు. 

తెలంగాణలో టిఆర్ఎస్ కు గట్టి పోటీ ఇచ్చింది తామేనని, రాబోయే సార్వత్రిక ఎన్నికలలో అధికారం దక్కించుకుంటారు అని గొప్పగా చెప్పుకునే కాంగ్రెస్ సైతం 2016 ఎన్నికల్లో సాధించిన రెండు స్థానాలను మళ్లీ ఇప్పుడు దక్కించుకుంది. నాచారం, పఠాన్ చెరువు లో మాత్రమే ఆ పార్టీ గెలుచుకుంది. జాతీయ పార్టీగా చెప్పుకుంటున్న కాంగ్రెస్ టీడీపీలకు కోలుకోలేనిి విధంంగా దెబ్బ తగిలిందిి. ఇక భవిష్యత్తులో ఈ రెండు పార్టీలు కోలుకునే అవకాశం కూడా కనిపించడం లేదు.