ఈ సినిమాలు ఏమిటో చెప్పాలని కోరగా తాను చెప్పనని ఆయా సినిమాల నిర్మాణ సంస్థల ప్రకటిస్తారని అనుష్క పేర్కొంది. అయితే ఈమె గతంలో గౌతమ్ మీనన్ దర్శకత్వంలో ఒక సినిమా చేస్తుందని ప్రచారం జరిగింది. అయితే ఆ విషయం మీద ఇప్పటి దాకా ఎలాంటి క్లారిటీ లభించలేదు. కానీ తాజాగా ఒక ఇంటర్వ్యూలో గౌతమ్ ఈ సినిమాకి సంబంధించి క్లారిటీ ఇచ్చారు. అనుష్క తో సినిమా చేస్తున్న సంగతి నిజమేనని అది ఒక మిలిటరీ థ్రిల్లర్ అని కూడా పేర్కొన్నాడు. అంటే మిలిటరీ బేస్డ్ కథకి థ్రిల్లర్ కథాంశం జోడిస్తారు అన్నమాట.

 దీంతో ఇప్పటి దాకా అనుష్క సినిమాలు మానేస్తుంది అంటూ జరుగుతున్న ప్రచారానికి ఒక రకమైన బ్రేక్ పడినట్టు అయ్యింది. అయితే ఈ సినిమా గురించి మరిన్ని వివరాలు తెలియాల్సి ఉంది. నిజానికి అనుష్క గతంలో కంటే కాస్త లావు అయింది. అయితే అది బాహుబలి సినిమా కోసమే అనుకున్నా ఆ తర్వాత నుంచి కూడా ఆమె తగ్గడానికి ప్రయత్నాలు చేసిన దాఖలాలు కనపడలేదు. ఈ క్రమంలోనే ఆమెకు అవకాశాలు తగ్గాయని బొద్దుగా ఉండటంతో ఆమె సినిమాలకు సెలవు చెప్పడం ఖాయమని రకరకాల ప్రచారాలు జరిగాయి. ఇక ఈ దెబ్బతో అయినా ఆ ప్రచారాలు ఆగిపోతాయని భావించాలి.