ఇక కాంగ్రెస్ పార్టీ పరిస్దితి కూడా ఇలాగే తయారైంది. తెలంగాణా ఇచ్చిన పార్టీగా కూడా జనాలు కాంగ్రెస్ ను గుర్తించలేదు. చూడబోతే మెజారిటి జనాల అభిమతానికి భిన్నంగా రాష్ట్రాన్ని కాంగ్రెస్ విడదీసిందన్న కోపం తెలంగాణా జనాల్లో కూడా ఉందా అనే అనుమానాలు మొదలయ్యాయి. అందుకనే జనాలే కాంగ్రెస్ ను పట్టించుకోవటం మానేశారు. కేసీయార్ కూడా కాంగ్రెస్ పార్టీని దాని మానాన దాన్ని వదిలేసుంటే సరిపోయేది. కొన్నిచోట్ల కాంగ్రెస్ బలంగా ఉన్నా ఆ బలం బీజేపీతో పోటీ పడి రెండోస్ధానంలో నిలబడేందుకు మాత్రమే  సరిపోయేది.  అలా కాదని ఒకేసారి ఇటు టీడీపీ అటు కాంగ్రెస్ ను కేసీయార్ దెబ్బ కొట్టేటప్పటికి ప్రత్యామ్నాయంగా బీజేపీ లేచింది. ఇదే సమయంలో కేంద్రంలో బాగా బలంగా ఉండటం ఆ పార్టీకి కలిసొచ్చింది. కేంద్రం ఇచ్చిన దన్నుతో తెలంగాణాలో బలంగా తయారవుతోంది. బీజేపీని అదుపుచేసేంత సీన్ కేసీయార్ లో లేదన్నది వాస్తవం. కాబట్టి ప్రస్తుతం గ్రేటర్ ఎన్నికల్లో నాలుగు డివిజన్ల నుండి 46 డివిజన్లకు పెరిగిందంటే కేవలం కేసీయార్ చేతకాని తనం వల్లే అన్నది వాస్తవం.