గత ఎన్నికల్లో 99 స్థానాలు సాధించిన అధికార టీఆర్ఎస్ పార్టీ .. ఇప్పుడు కేవలం 56 స్థానాలకే పరిమితమైంది. 2016 ఎన్నికల్లో నాలుగు స్థానాలకే పరిమితమై సాధించిన బీజేపీ .. 49 స్థానాలను దక్కించుకుంది. గతంతో పోలిస్తే ఎంఐఎం పార్టీ ఓ స్థానం కోల్పోయి 43 స్థానాలు నిలబెట్టుకుంది. ఓల్డ్ సిటీతో పాటు నగరంలోని పలు ప్రాంతాల్లో బీజేపీ అభ్యర్థులు గెలుపొందారు. దీంతో బీజేపీ నేతల్లో ఆనందం వ్యక్తమవుతోంది. ఈ విజయం కార్యకర్తల వీరోచిత పోరాట ఫలితమేనన్నారు బీజేపీ నేతలు. 

ఇక గ్రేటర్ ఎన్నికల్లో కాంగ్రెస్ పరిస్థితి దయనీయంగా మారింది . కేవలం రెండు సీట్లలో మాత్రమే కాంగ్రెస్ అభ్యర్థులు గెలుపొందారు. ఈ ఓటమికి నైతిక బాధ్యత వహిస్తూ, కాంగ్రెస్ పీసీసీ అధక్ష పదవికి... ఉత్తమ్‌కుమార్ రాజీనామా చేశారు. అయితే ఇప్పుడు బీజేపీ గెలుపుకోసం ఆ పార్టీ అగ్ర నేతలు సహా, జనసేన కార్యకర్తల దాకా చాలా మంది ప్రత్యక్షంగానో పరోక్షంగానో పాటు పడ్డారు. దీంతో ఇప్పుడు ఈ గెలుపు క్రెడిట్ ఎవరికీ దక్కుతుంది ? అనేది ఆసక్తికరంగా మారింది.