ఓట్ల కౌంటింగ్ సెంటర్ల వద్ద టైట్ సెక్యూరిటీ ఏర్పాటు చేశారు పోలీసులు. 50వేలమంది పోలీసులతో భారీ బందోబస్తు నిర్వహిస్తున్నారు. కౌంటింగ్ కేంద్రాలకు కిలోమీటర్ దూరం వరకు 144 సెక్షన్ ఏర్పాటు చేశారు. సమస్యాత్మక కేంద్రాల వద్ద భారీ భద్రతను ఏర్పాటు చేయడం జరిగింది. రేపు ఉదయం 6 గంటల వరకు నగరంలో ఆంక్షలు కొనసాగుతాయి. ఇక బల్దియాలో 150 డివిజన్లలో 1122 మంది అభ్యర్థులు పోటీలో ఉన్నారు. డిసెంబర్ 1న గ్రేటర్ ఎన్నికల పోలింగ్ జరిగింది. డిసెంబ‌ర్ 1న జ‌రిగిన ఈ ఎన్నిక‌ల్లో 34,50,331 మంది.. 46.55 శాతం ఓటర్లు తమ ఓటు హక్కు వినియోగించుకున్నారు. వీరిలో మహిళా ఓటర్లు 15,90,291 (46.09 శాతం) కాగా, పురుషులు 18,60,040 (53.91 శాతం) ఉన్నారు. అత్యధికంగా రామచంద్రాపురం డివిజన్‌లో 67.71 శాతం ఓటింగ్ నమోదు అయింది. అత్యల్పంగా యూసుఫ్‌గూడ డివిజన్‌లో 32.99 శాతం పోలింగ్ జరిగింది.