మేము ఇక్కడకు విధులకు వచ్చినట్టు అటెండెన్స్ కూడా వేయడం లేదని అంటున్నారు. కావలసిన సిబ్బంది కంటే అధికంగా ఎందుకు పిలిచారు అంటూ వారంతా ఆందోళనకు దిగారు. ఇక ఇప్పటికే 30 కౌంటింగ్ కేంద్రాల్లో పోస్టల్ బ్యాలెట్స్ లెక్కింపు ప్రారంభం అయ్యాయి. 150 డివిజన్లలో కేవలం 1926 పోస్టల్ బ్యాలెట్స్ మాత్రమే పోల్ అయ్యాయి. ఈ రోజు ఉదయం 7.30 నిమిషాల కంటే ముందు వచ్చిన పోస్టల్ బ్యాలెట్స్ మాత్రమే ఎన్నికల సిబ్బంది లెక్కిస్తున్నారు. ఇక బ్యాలెట్ పై ఎలాంటి ముద్ర ఉన్నా ఓటును పరిగణలోకి తీసుకోవాలనే సర్కులర్ పై హై కోర్టులో బీజేపీ హౌజ్ మోషన్ దాఖలు చేసిన సంగతి తెలిసిందే.

 మరికాసేపట్లో జూమ్ మీటింగ్ ద్వారా పిటిషన్ను హైకోర్టు ప్రధాన న్యాయమూర్తి విచారించనున్నారు. ఆ వెసులుబాటు స్థానిక సంస్థల ఎన్నికల రూల్ బుక్ లో ఉందని ఎన్నికల కమిషన్ చెబుతోంది. కౌంటింగ్ అబ్జర్వర్ల సమావేశంలో చర్చించి నిబంధనలపై స్పష్టత ఇచ్చామని కమిషన్ చెబుతోంది. ఈ కౌంటింగ్ ప్రక్రియకు హైకోర్టు విచారణ అడ్డంకి కాదని అంటున్నారు. ఇక మధ్యాహ్నం 1 లేదా 2 గంటల వరకు ఫలితాల్లో స్పష్టత వస్తుందని ఎన్నికల కమిషన్ చెబుతోంది.