తాజా అసెంబ్లీ సమావేశాల్లో ఆ భజన వీడియో క్లిప్పుంగునే ప్రభుత్వం అసెంబ్లీలో ప్లే చేసి అందరికీ చూపించింది. అంటే పోలవరం ప్రాజెక్టు నిర్మాణం పేరుతో చంద్రబాబు ఆడిన నాటకాలు, వేసిన వేషాలు, చేయించుకున్న భజనలు, చేసిన కోట్ల రూపాయల వృధాను వీడియో క్లిప్పింగ్ ద్వారా ఎండగట్టమే జగన్మోహన్ రెడ్డి ఉద్దేశ్యం. ఇటువంటి భజనలు చేయించుకునేందుకు చంద్రబాబు అప్పట్లో రూ. 85.45 కోట్లు ఖర్చు చేసినట్లు జగన్ చెప్పటంతో అందరు ఆశ్చర్యపోయారు. వీడియో క్లిప్పింగ్ ను చూసినంతసేపు జగన్+తమ్మినేని+సభ్యులు పడి పడి నవ్వుతునే ఉన్నారు. చంద్రబాబు హయాంలో పోలవరం ప్రాజెక్టుకు సంబంధించి ప్రచారం ఎక్కువ పనులు తక్కువ జరిగిన విషయాన్ని జగన్ ఎండగట్టేశారు. మొత్తానికి చంద్రబాబుకున్న ప్రచార పిచ్చిని తనదైన స్టైల్లో జగన్ ఏకంగా అసెంబ్లీలోనే వాయించిపడేశారు. దాంతో మాట్లాడేందుకు లేకపోవటంతో చంద్రబాబు మొహం మాడిపోయింది.